+7 (701) 759 90 19
USD 425.95 EUR 495.12
RUB 6 CNY 66.6
جاڭالىقتار

جۇرتتىڭ كوزىنشە ەر ادامدى اتقان ەكىباستۇزدىق سوتتالدى

17 قىركۇيەك 22:14
:ءبولىسۋ
جۇرتتىڭ كوزىنشە ەر ادامدى اتقان ەكىباستۇزدىق سوتتالدى

پاۆلودار. قازاقپارات - تاڭەرتەڭگىلىك مەزگىلدە كوشەدە ءوتىپ بارا جاتقانداردىڭ كوزىنشە ەر ادامدى اتقان ەكىباستۇز تۇرعىنى سوتتالدى.

وعان ق ر ق ك ەكى بابى بويىنشا ايىپ تاعىلدى، دەپ حابارلايدى قازاقپارات Pavlodarnews.kz سايتىنا سىلتەمە جاساپ.

65 جاستاعى زەينەتكەرگە 287-باپ - «قارۋدى، وق-دارىلەردى، جارىلعىش زاتتار مەن جارىلعىش قۇرىلعىلاردى زاڭسىز ساتىپ الۋ، بەرۋ، ساتۋ، ساقتاۋ، تاسىمالداۋ نەمەسە الىپ ءجۇرۋ»، سونداي-اق 99-باپ - «كىسى ءولتىرۋ» بويىنشا ايىپ تاعىلدى.

ەسكە سالا كەتەيىك، 23- اقپان كۇنى ساعات 08:00 دە ەكىباستۇزدا ساتبايەۆ كوشەسىندەگى ءۇيدىڭ اۋلاسىندا بەلگىسىز بىرەۋ قارۋدان وق اتقان. جاراقات العان ەر ادام وقيعا ورنىندا قازا تاپقان.

پاۆلودار وبلىسى قىلمىستىق ىستەر جونىندەگى مامانداندىرىلعان اۋدانارالىق سوتىنىڭ باسپا ءسوز قىزمەتى زەينەتكەردىڭ ق ر ق ك 99-بابىنىڭ 1-بولىگىندە جانە 287-بابىنىڭ 3-بولىگىندە كوزدەلگەن قىلمىستىق قۇقىق بۇزۋشىلىقتار جاساعانى ءۇشىن كىنالى دەپ تانىلعانىن ءمالىم ەتتى.

كەيىنىرەك سوتتالۋشى قارسىلاسىن تەك ەكى رەت - ارتىنان جانە باسىنان اتقانى بەلگىلى بولدى.

پروكۋرور قىلمىستىق كودەكستىڭ ەكى بابى بويىنشا 14 جىلعا باس بوستاندىعىنان ايىرۋدى، ال جابىرلەنۋشىلەر - ۇلى، قىزى جانە جۇبايى ەڭ جوعارى جازا شاراسىن -15 جىل تاعايىنداۋدى جانە ءارقايسىسىنا بەس ميلليون تەڭگە مولشەرىندە مورالدىق زيان ءوندىرىپ الۋدى سۇرادى.

سوتتالۋشى ءوز كىناسىن ءىشىنارا مويىنداپ، كىسى ءولتىرۋ ويى بولماعانىن ءتۇسىندىردى.

جابىرلەنۋشىلەردىڭ ازاماتتىق تالابى ءىشىنارا قاناعاتتاندىرىلىپ، جالپى سوماسى 7 ميلليون تەڭگە ءوندىرىلدى. ۇكىم زاڭدى كۇشىنە ەنگەن جوق.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات