ەلوردادا ج ر ۆ ي- مەن اۋىرعاندار سانى ارتتى

نۇر-سۇلتان. قازاقپارات - ەلوردادا ءجىتى ريسپيراتورلىق ۆيرۋستىق ينفەكسيامەن اۋىرعاندار سانى ارتتى.

بۇل تۋرالى نۇر-سۇلتان قالالىق باس مەملەكەتتىك سانيتار دارىگەرىنىڭ ورىنباسارى جاننا پىراليەۆا ايتتى، دەپ حابارلايدى قازاقپارات ءتىلشىسى.

«ءجىتى ريسپيراتورلىق ۆيرۋستىق ينفەكسياعا قاتىستى ەپيدەميولوگيالىق احۋالعا ازدى-كەم توقتالىپ وتكەنىم ءجون بولار. 2021-جىلدىڭ باسىنان بەرى نۇر-سۇلتان قالاسى تۇرعىندارىنىڭ اراسىندا ج ر ۆ ي- ءدىڭ 32,5 مىڭ جاعدايى تىركەلدى. 100 مىڭ تۇرعىنعا شاققانداعى كورسەتكىش - 2814. بۇل وتكەن جىلعى كورسەتكىشتەن 43,3 پايىزعا جوعارى. بىلتىر 20706 جاعداي تىركەلگەن بولاتىن»، - دەدى ول ەلوردا اكىمدىگىندە وتكەن بريفينگ بارىسىندا.

ونىڭ اتاپ وتۋىنشە، 14 جاسقا دەيىنگى بالالار اراسىندا ج ر ۆ ي- ءدىڭ 15635 جاعدايى تىركەلگەن. سوڭعى اپتانىڭ وزىندە 1054 بالا اۋىرىپ قالعان. وتكەن اپتامەن سالىستىرعاندا بالالار اراسىندا ج ر ۆ ي- مەن اۋرۋ 32 پايىزعا ءوسىپ وتىر.

«ج ر ۆ ي- مەن اۋرۋدىڭ اپتالىق كورسەتكىشى باقىلاۋ دەڭگەيىنەن اسىپ وتىرعان جوق. سوڭعى 2020-2021-جىلدارعى ەپيدەميولوگيالىق ماۋسىمدا ج ر ۆ ي- ءدىڭ 25252 جاعدايى تىركەلدى. ونىڭ ىشىندە 15090 بالا اۋىردى»، - دەدى جاننا پىراليەۆا.