+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

انتيكور وكىلى دەنساۋلىق ساقتاۋ جۇيەسىندەگى سىبايلاس جەمقورلىق تاۋەكەلدەرىن اتادى

17 قىركۇيەك 19:19
:ءبولىسۋ
انتيكور وكىلى دەنساۋلىق ساقتاۋ جۇيەسىندەگى سىبايلاس جەمقورلىق تاۋەكەلدەرىن اتادى

نۇر-سۇلتان. قازاقپارات - سىبايلاس جەمقورلىققا قارسى ءىس-قيمىل اگەنتتىگىنىڭ پريەۆەنتسيا قىزمەتى باسشىسىنىڭ ورىنباسارى عانيجان اسان ۇلى دەنساۋلىق ساقتاۋ سالاسىنداعى جەمقورلىققا جول اشاتىن ولقىلىقتاردى اتادى، دەپ حابارلايدى قازاقپارات ءتىلشىسى.

«وزدەرىڭىز بىلەتىندەي، پاندەميا دەنساۋلىق ساقتاۋدىڭ كوپتەگەن ماسەلەلەرىن، سونىڭ ىشىندە جەمقورلىق تاۋەكەلدەرىن كورسەتتى. وتكەن جىلى الەۋمەتتىك مەديتسينالىق ساقتاندىرۋ قورى مەن دەنساۋلىق ساقتاۋ مينيسترلىگىنىڭ ورتالىق اپپاراتىندا تالداۋ جۇمىستارى جۇرگىزىلگەن ەدى. بيىل دەنساۋلىق ساقتاۋ مينيسترلىگىنىڭ مەديتسينالىق جانە فارماتسيەۆتيكالىق باقىلاۋ كوميتەتى مەن سانيتاريالىق-ەپيدەميولوگيالىق باقىلاۋ كوميتەتىندە سىرتقى تالداۋلار اياقتالدى. بارلىعى 138 جەمقورلىق تاۋەكەل انىقتالدى، ولار بويىنشا 246 ۇسىنىم ازىرلەندى»، - دەگەن اگەنتىك وكىلى انىقتالعان ولقىلىقتاردىڭ نەگىزگىلەرىنە توقتالدى.

«ءبىرىنشى. «ماقساتتىق كورسەتكىشتەردىڭ جەتىلمەگەندىگى» بەلگىلى بولدى. «پاتسيەنتتەردىڭ مەديتسينالىق كومەك ساپاسىنا قاناعاتتانۋى» ناتيجەلەرىن «قولمەن» وزگەرتۋ ارقلى بۇرمالانۋىنىڭ جوعارى تاۋەكەلى بەلگىلەندى. بۇل دەنساۋلىق ساقتاۋ جۇيەسىنىڭ ساپاسى بويىنشا وبەكتيۆتى كورىنىس بەرمەيدى.

ەكىنشى. ءدارى-دارمەكتىڭ باعاسىن جاساندى تۇردە كوتەرۋ تاۋەكەلى باسىم. باعا ءوتىنىش بەرۋشىنىڭ تەكسەرىلمەگەن اقپاراتىنا نەمەسە ونىڭ كوممەرتسيالىق ۇسىنىسىنا بايلانىستى قالىپتاسادى. ءدارى-دارمەكتەردىڭ باعاسىنا ولار بولماعان كەزدە دە ماركەتينگتىك شىعىنداردى قوسۋى مۇمكىن. قولدانىستاعى كوتەرمە-بولشەك ساۋدا ەرەجەلەرى باعانى %30 عا قوسىمشا ارتتىرۋعا مۇمكىندىك بەرەدى»، - دەيدى عانيجان اسان ۇلى.

ونىڭ ايتۋىنا قاراعاندا، مەديتسينالىق قىزمەتتەردىڭ ساپاسىن باعالاۋ ءۇشىن جۇرگىزىلگەن 147 تەكسەرۋ كەزىندە سىرتتان ساراپشىلار شاقىرىلماعان.

«ساراپتاما قورىتىندىلارىن ۋاكىلەتتى ەمەس ادامدار جاسادى. وعان «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكس پەن زاڭعا تاۋەلدى اكتى اراسىنداعى قايشىلىق سەبەپ بولعان. ەپيدەميولوگيالىق مونيتورينگ جانە كامەرالدىق باقىلاۋ سالاسى سيفرلاندىرىلماعان. 600 ميلليون تەڭگەگە ساتىپ الىنعان پلانشەتتەر مەن موبيلدى پرينتەرلەر اكىمشىلىك پراكتيكانى اۆتوماتتاندىرۋ ءۇشىن پايدالانىلمايدى. باقىلاۋ قۇجاتتارى قولمەن قالىپتاستىرىلادى، بۇل سىبايلاس جەمقورلىققا جاعداي جاسايدى»، - دەدى اگەنتتىڭ وكىلى.

جوعارىدا كورسەتىلگەن سىبايلاس جەمقورلىق تاۋەكەلدەرى بويىنشا ۇسىنىستار ازىرلەنىپ، دەنساۋلىق ساقتاۋ مينيسترلىگىنە جولداندى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات