شاڭحاي ىنتىماقتاستىق ۇيىمىنىڭ كولىك- ترانزيتتىك باسىمدىعىن جۇزەگە اسىرۋعا كەدەرگى كەلتىرەتىن پروبلەمالاردى شەشۋ قاجەت
بۇل تۋرالى دۋشانبەدە ءوتىپ جاتقان ش ى ۇ- عا مۇشە مەملەكەتتەر باسشىلارى كەڭەسىندە ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«پاندەميا، سۋەتس كانالىنداعى ناۋرىزداعى وقيعا تەڭىز جۇك تاسىمالىنىڭ ستراتەگيالىق وسالدىعىن كورسەتىپ بەردى. وسى وقيعالاردىڭ اياسىندا ترانسقۇرلىقتىق قۇرلىق باعدارلار، ەڭ الدىمەن جاڭا جىبەك جولى ءوزىنىڭ تارتىمدىلىعىن ايتارلىقتاي كۇشەيتە ءتۇستى. بىزگە كولىك- ترانزيتتىك باسىمدىعىمىزدى تولىققاندى جۇزەگە اسىرۋعا كەدەرگى كەلتىرەتىن ءبىرقاتار پروبلەمانى بىرلەسىپ شەشۋىمىز قاجەت. ەڭ الدىمەن ش ى ۇ- عا مۇشە مەملەكەتتەردەگى كولىك ينفراقۇرىلىمىنىڭ ايتارلىقتاي ءتۇرلى دەڭگەيى مەن دامۋى جايىندا ءسوز بولىپ وتىر»، - دەدى مەملەكەت باسشىسى.
سوندىقتان قازاقستان پرەزيدەنتى ش ى ۇ- عا مۇشە ەلدەردىڭ ەكونوميكالىق مۇددەسىن تولىققاندى ەسكەرۋ نەگىزىندە ۇيىم اياسىندا ۇلتتىق ينفراقۇرىلىمدىق ستراتەگيانى ىمىرالاسۋ ورتاق مۇددەگە جاۋاپ بەرە الاتىندىعىن اتاپ ءوتتى.
«توتەنشە جاعداي كەزىندە كولىكتىڭ تۇراقتى جۇمىسىن قامتاماسىز ەتۋ جونىندەگى ىنتىماقتاستىق تۋرالى مەموراندۋعا قول قويۋ بۇل باعىتتاعى العا جىلجۋدىڭ بايىپتى قادامى بولماق»، - دەدى قاسىم- جومارت توقايەۆ.
اۆتور: مارلان جيەمباي