قارقارالىدا توقتار مەن ءاليحاننىڭ سۋرەتتەرى بەينەلەنگەن مۋرال پايدا بولدى

قارقارالى. قازاقپارات - قارقارالىدا ەكى ءۇيدىڭ قابىرعاسى توقتار اۋباكىروۆ پەن ءاليحان بوكەيحانوۆتىڭ سۋرەتتەرىمەن بەزەندىرىلدى.

جۇمىستاردىڭ اۆتورى - سۋرەتشى ساكەن داۋلەتبايەۆ.

تۇڭعىش عارىشكەر جانە «الاش» پارتياسىنىڭ باسشىسىنىڭ بەينەسى توقتار اۋباكىروۆ اتىنداعى كوشەدە ماڭگى ساقتالعان.

«ءاليحان بوكەيحانوۆ پەن توقتار اۋباكىروۆ - ەسىمدەرى تاريحتا التىن ارىپپەن جازىلعان جەرلەستەرىمىز. بيىل ءاليحان بوكەيحانوۆتىڭ تۋعانىنا 155 جىل جانە توقتار اۋباكىروۆتىڭ تۋعانىنا 75 جىل تولدى. وسى داتالار مەن تاۋەلسىزدىكتىڭ 30 جىلدىعىنا وراي سۋرەتشى ساكەن داۋلەتبايەۆ قالاعا مۋرال سۋرەتتەرىن تارتۋ ەتتى»، - دەدى قارقارالى اۋدانى اكىمىنىڭ باسپا ءسوز حاتشىسى گۇلبارشىن جۇماحانوۆا.

ءاليحان بوكەيحانوۆ بەينەلەنگەن ءۇيدىڭ اۋلاسىندا سونداي- اق اۋماقتى اباتتاندىرۋ جۇمىستارى اياقتالدى. بالالار الاڭى، ورىندىقتار ورناتىلدى، جارىقتاندىرۋ جۇرگىزىلدى، قىرلى تاس جول توسەلدى.