«كولساي كولدەرى» تابيعي پاركى يۋنەسكونىڭ بۇكىل الەمدىك جەلىسىنە ەنگىزىلدى

None
None
نۇر-سۇلتان. قازاقپارات - يۋنەسكو 15- قىركۇيەكتە قازاقستاندىق «كولساي كولدەرى» مەملەكەتتىك ۇلتتىق تابيعي پاركىن ءوزىنىڭ دۇنيەجۇزىلىك بيوسفەرالىق رەزەرۆاتتار جەلىسىنە قوستى.

مۇنداي شەشىم يۋنەسكو باعدارلاماسىنىڭ «ادام جانە بيوسفەرا» حالىقارالىق ۇيلەستىرۋ كەڭەسىنىڭ 33-سەسسياسىندا قابىلداندى.

بۇل تۋرالى قازاقپارات ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.

قازاقستاندىق «كولساي كولدەرى» ءوتىنىمىنىڭ ەلدەگى جانە الەمدەگى كۇردەلى ەپيدەميولوگيالىق شەكتەۋلەر جاعدايىندا دايىندالعاندىعى ەرەكشە نازار اۋدارۋعا تۇرارلىق.

«كولساي كولدەرى» مەملەكەتتىك ۇلتتىق تابيعي پاركى اكىمشىلىگى قىزمەتكەرلەرىنىڭ ۇيلەسىمدى جۇمىسىنىڭ ارقاسىندا قازاقستانداعى يۋنەسكونىڭ «ادام جانە بيوسفەرا» باعدارلاماسىنىڭ بيوسفەرالىق رەزەرۆاتتارىنىڭ ۇلتتىق جەلىسى تاعى ءبىر بيوسفەرالىق رەزەرۆاتپەن تولىقتىرىلدى.

وسىلايشا، بۇگىنگى تاڭدا يۋنەسكو ۇلتتىق جەلىسىنىڭ قازاقستانداعى بيوسفەرالىق رەزەرۆات سانى - 13.

بۇل سان ورتالىق ازيانىڭ باسقا ەلدەرىندەگى بيوسفەرالىق رەزەرۆاتتار سانىنان ەداۋىر اسىپ تۇسەدى.

بيوسفەرالىق رەزەرۆاتتار كولەمىنىڭ وسىلاي تانىلۋى قازاقستاننىڭ بيولوگيالىق ارتۇرلىلىگىن ساقتاۋ ماسەلەلەرىنە الەمدىك قوعامداستىقتىڭ نازارىن اۋدارعانىن جانە ونى بولاشاق ۇرپاق ءۇشىن ساقتاۋعا ۇمتىلاتىنىن ايعاقتايدى.

سوڭعى جاڭالىقتار