ەلوردادا جىلىنا قانشا مىڭ توننادان استام قالدىق شىعارىلادى؟

None
None
نۇر-سۇلتان. قازاقپارات - ەل استاناسى نۇر-سۇلتان قالاسىنان وتكەن جىلى 113 مىڭ توننا ءتۇرلى دەڭگەيدەگى قالدىق شىعارىلعان.

بۇل تۋرالى ق ر ەكولوگيا، گەولوگيا جانە تابيعي رەسۋرستار مينيسترلىگى ەكولوگيالىق رەتتەۋ جانە باقىلاۋ كوميتەتىنىڭ ءتوراعاسى زۇلفۇحار جولداسوۆ ءمالىم ەتتى، دەپ حابارلايدى قازاقپارات ءتىلشىسى.

«وتكەن جىلى نۇر-سۇلتان قالاسىنان شىعارىلعان قالدىقتاردىڭ جالپى كولەمى 113 مىڭ توننانى قۇرادى. ونىڭ ىشىندە قازاندىقتارى بار كاسىپورىنداردىڭ ۇلەسى -%33,5 (64 مىڭ توننا)، اۆتوكولىكتەرگە %32,5 تيەسىلى (26 مىڭ توننا) جانە جەكە سەكتورعا - %29 قالدىق تيەسىلى. قالدىقتاردى شىعارۋ اسىرەسە جىلۋ بەرۋ ماۋسىمى كەزىندە ارتا تۇسەدى. وسى ورايدا ەلىمىزدە ەكولوگيالىق پروبلەمالاردى شەشۋدىڭ جول كارتاسى اياسىندا ەلورداعا قاتىستى 13 ءىس-شارا قاراستىرىلعان، ونىڭ التاۋى ورىندالدى»، - دەدى ز. جولداسوۆ و ك ق- دە وتكەن باسپا ءسوز ءماسليحاتىندا.

كوميتەت باسشىسىنىڭ سوزىنە سەنسەك، بۇگىندە نۇر-سۇلتانداعى ج ە و-1 مەن ج ە و-2 دە 4 قازاندىق تابيعي گازعا اۋىستىرىلدى. جانە جىل سوڭىنا دەيىن تاعى 12 قازاندىق كوگىلدىر وتىنعا اۋىسادى ەكەن.

«اۋا لاستانۋىنىڭ تاعى ءبىر ءىرى كوزى جەكە سەكتوردى پەشپەن جىلىتۋ. ياعني كومىر جاعۋ. بۇگىندە ەلوردانى گازداندىرۋ جۇمىسى قارقىندى ءجۇرىپ جاتقانى بەلگىلى. ەلوردادا 30 مىڭ جەكە تۇرعىن ءۇي بار، ونىڭ 5 مىڭىن گازبەن قامتۋ مۇمكىندىگى بار، سونىڭ بۇگىندە 450 ءى عانا گازعا قوسىلعان. ەلوردادا گازداندىرۋ 2023-جىلدىڭ سوڭىندا اياقتالادى»، - دەيدى ول.

ونىڭ سوزىنشە، بۇگىندە ەلوردا ىرگەسىندەگى جەلەزنودوروجنىي، پرومىشلەننىي، وڭتۇستىك- شىعىس (يۋگو-ۆوستوك) تۇرعىن ءۇي الاپتارىن گازداندىرۋ جۇمىسى ءجۇرىپ جاتىر.

سوڭعى جاڭالىقتار