قاسىم-جومارت توقايەۆ پاكىستان پرەمەر-مينيسترىمەن كەزدەستى
پاكىستان پرەمەر-مينيسترىمەن كەزدەسۋ بارىسىندا قاسىم-جومارت توقايەۆ ءوزارا سەنىم مەن سىيلاستىققا نەگىزدەلگەن ەكىجاقتى قاتىناستاردىڭ دەڭگەيى جوعارى ەكەنىن اتاپ ءوتتى.
مەملەكەت باسشىسى ورتاق مۇددەنى كوزدەيتىن سالالارداعى كولىك-لوگيستيكالىق بايلانىستاردى نىعايتۋ ءۇشىن جاڭا مۇمكىندىكتەردى قاراستىرۋعا شاقىردى.
قازاقستان پرەزيدەنتى ساۋدا-ەكونوميكالىق، عىلىمي-تەحنولوگيالىق جانە مادەني ىنتىماقتاستىقتى ارتتىرۋ ماسەلەسىنە ارنايى توقتالىپ، يمران حاندى قازاقستانعا ساپارمەن كەلۋگە شاقىردى.
پاكىستان پرەمەر-ءمينيسترى ءوز كەزەگىندە ەكى ەل اراسىنداعى ساۋدا-ەكونوميكالىق ىقپالداستىقتى نىعايتۋعا سەپتىگىن تيگىزەتىن لوگيستيكالىق مۇمكىندىكتەردى دامىتۋ ماڭىزدى ەكەنىن ايتتى، سونداي-اق، قازاقستان پرەزيدەنتىن پاكىستانعا ساپارمەن كەلۋگە شاقىردى.
كەزدەسۋدە ولار اۋعانستانداعى احۋال مەن وڭىرلىك قاۋىپسىزدىكتى قامتاماسىز ەتۋ ماسەلەلەرى جونىندەگى ويلارىمەن ءبولىستى.