16:02, 16 - قىركۇيەك 2021 | GMT +6
تالىپتەر بۇرىنعى شەنەۋنىكتەردىڭ اقشاسىن تاركىلەدى
نۇر- سۇلتان. قازاقپارات - اۋعانستاندا تالىپتەر ارنايى ۇيىمداستىرىلعان رەيد بارىسىندا ەلدىڭ بۇرىنعى شەنەۋنىكتەرىنەن 12 ميلليون دوللار مەن التىندى تاركىلەدى.
جينالعان قاراجات ەلدىڭ ورتالىق بانكىنە تاپسىرىلدى. قازىر اۋعانستاندا قاعاز اقشا تاپشىلىعى پايدا بولدى. ايماقتاعى كوپتەگەن بانكتەردىڭ جابىلۋىنا شاق قالدى. اقپارات كوزدەرىنىڭ حابارلاۋىنشا، بيلىك باسىنا كەلگەن تالىپتەر ورىن العان جاعدايعا قاتىستى تەرگەۋ جۇرگىزگەن بولاتىن.
ايتا كەتەيىك، وتكەن اپتادا اۋعانستاننىڭ ورتالىق بانكى بۇرىنعى بيلىكتەگى ساياساتكەرلەردىڭ شوتىن بۇعاتتاپ تاستاۋ كەرەك دەگەندى العا تارتقان ەدى.
www.24.kz