+7 (701) 759 90 19
USD 425.71 EUR 495.53
RUB 5.99 CNY 66.56
جاڭالىقتار

الەم ديالوگتىڭ جاڭا فورماتتارىن ىزدەي باستادى -  داريعا نازاربايەۆا

16 قىركۇيەك 15:09
:ءبولىسۋ
الەم ديالوگتىڭ جاڭا فورماتتارىن ىزدەي باستادى -  داريعا نازاربايەۆا

نۇر-سۇلتان. قازاقپارات - شىنايى تاۋەلسىزدىك پەن ەگەمەندىك ۇلتتىڭ باسەكەگە قابىلەتتى مەدياكونتەنت جاساي الۋىمەن ولشەنەدى.

بۇل پىكىردى ەۋرازيالىق مەديا فورۋمنىڭ ۇيىمداستىرۋ كوميتەتىنىڭ ءتورايىمى داريعا نازاربايەۆا XVII فورۋمنىڭ اشىلۋىندا ايتتى، دەپ حابارلايدى قازاقپارات ءتىلشىسى.

«تاۋەلسىزدىكتىڭ 30 جىلدىعى ب ا ق- تىڭ ەكونوميكا مەن قوعامدىق ومىردەگى ءرولىن باعالاۋ ءۇشىن جاقسى سەبەپ بولىپ وتىر. جاھاندىق اقپاراتتىق ورتا مەملەكەتتىك شەكارالارمەن سايكەسە قويمايدى، ۇلتتىق جانە مادەني ەگەمەندىككە ايتارلىقتاي قاۋىپ ءتوندىرىپ كەلەدى. ءبىزدىڭ تاريحىمىز، مادەنيەتىمىز، ءتىلىمىز - مىزعىماس قۇندىلىقتار. بۇگىندە ولاردىڭ قورعالۋى مەن دامۋى اۋديتوريا ءۇشىن، كورەرمەننىڭ نازارى مەن سەنىمى ءۇشىن جاھاندىق باسەكەلەستىككە اۋىستى. مەن قازىرگى الەمدە شىنايى تاۋەلسىزدىك پەن ەگەمەندىك - ۇلتتىڭ باسەكەگە قابىلەتتى مەدياكونتەنت جاساي الۋىن بىلدىرەدى دەپ ەسەپتەيمىن»، - دەدى داريعا نازاربايەۆا XVII ەۋرازيالىق مەديا فورۋمنىڭ اشىلۋىندا.

د. نازاربايەۆا بۇل ماسەلەنىڭ قازاقستان ءۇشىن دە سىن-قاتەر بولىپ وتىرعانىن ايتتى.

«وتكەن ەكى جىلدا ادامزات بۇرىن-سوڭدى بولماعان سىناقتارعا تاپ بولدى. كوروناۆيرۋس پاندەمياسى جانە ونىمەن بايلانىستى ەكونوميكالىق- الەۋمەتتىك كاتاكليزمدەر الەمدى تانىماستاي وزگەرتىپ جىبەردى، بارلىق زاماناۋي قوعامداردىڭ، بارلىق الەۋمەتتىك قورعاۋ جانە دەنساۋلىق ساقتاۋ جۇيەلەرىنىڭ تەرەڭ پروبلەمالارى ايقىن كورىندى. حالىقارالىق دەڭگەيدە مەملەكەتارالىق قاتىناستاردىڭ تۇتاس جۇيەسىنىڭ بەرىكتىگى سىنالىپ كەلەدى، نەگىزگى سىن- قاتەر فاكتورى - سەنىمنىڭ جوعالۋى بولدى»، - دەپ اتاپ ءوتتى سپيكەر.

داريعا نازاربايەۆانىڭ ايتۋىنشا، مەملەكەتارالىق، حالىقارالىق ديالوگ پەن سەنىم تەتىكتەرىنىڭ السىرەۋ پروتسەسى بۇرىن باستالعان، ءبىراق پاندەميا بۇل پروتسەستى جەدەلدەتىپ، وعان تۇبەگەيلى جاڭا ولشەم بەردى.

«بۇل - ارينە، وتە الاڭداتارلىق ءۇردىس. كەز كەلگەن سەنىم اڭگىمەدەن، ءوزارا سىيلاستىقتان باستالادى. قازىر الەم ديالوگتىڭ جاڭا فورماتتارى مەن جاڭا فورمالارىن ىزدەي باستاعانىن كورىپ وتىرمىز. ءبىز ەۋرازيالىق مەديا فورۋمنىڭ بۇل پروتسەسكە ءوز ۇلەسىن قوساتىنىنا قۋانىشتىمىز. بىرنەشە جىل بۇرىن ەلباسى نۇرسۇلتان نازاربايەۆ: «تاپتاۋرىندارعا قاراماستان باتىس پەن شىعىس قازاقستان جەرىندە، الەمدىك جانە ءداستۇرلى دىندەر كوشباسشىلارىنىڭ سەزدەرىندە جانە باسقا دا الاڭداردا كەڭ ديالوگ ورناتۋ ءۇشىن تۇراقتى تۇردە بىرىگەدى» دەگەن ەدى. بىزدە ايتىلاتىن، تالقىلاناتىن نارسە كوپ، ايىرماشىلىقتاردى ەمەس، كونسترۋكتيۆتى ءوزارا ارەكەتتەسۋ ءۇشىن ونىڭ الدىن الۋ جولدارىن ىزدەۋ كەرەك. ءبىزدىڭ فورۋمنىڭ ۇرانى «2021: الەم جاڭا قۇندىلىقتار ىزدەيدى» دەپ اتالۋى تەگىن ەمەس. ەۋرازيالىق مەديا فورۋم بۇكىل الەمنىڭ قوعامدىق پىكىر كوشباسشىلارىنا تاۋەلسىز قازاقستاندى كورۋگە جانە بىلۋگە، ءبىزدىڭ ەلىمىزدى سۇيۋگە مۇمكىندىك بەردى»، - دەدى داريعا نازاربايەۆا.

ايتا كەتەيىك، بۇگىن نۇر-سۇلتاندا XVII ەۋرازيا مەديا فورۋمىنىڭ جۇمىسى رەسمي تۇردە اشىلدى. فورۋم 17-قىركۇيەككە دەيىن جالعاسادى.

اۆتور: ايجان سەرىكجان قىزى


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات