ايگىلى «ساعىندىم الماتىمدى» انىنە ءسوز جازعان اۆتور تالانتىنىڭ ءتۇرلى قىرىمەن تاڭقالدىردى

None
None
نۇر-سۇلتان. قازاقپارات - «قوسامىن انگە اتىڭدى، توسامىن ءار حاتىڭدى، ساعىندىم الما باعىن، ارايلى الماتىمدى!» ءار قازاقتىڭ ساناسىندا جاتتالىپ قالعان وسى ءاننىڭ اۆتورى التىنبەك قورازبايەۆ، ال ءسوزىن جازعان اقىن كىم؟ بىلەسىز بە؟ ول سەرىكباي وسپانوۆ.

اندەرى اڭىزعا اينالعان اردا اقىن تۋعان جەرىندە ەل قاتارلى كۇن كەشىپ جاتقان جايى بار. ءبىراق بۇل كىسىنى تەك اقىن دەپ عانا اتاۋعا بولمايدى. ول بۇرىنعى جۇسىپبەك ايماۋىتوۆ، ءىلياس جانسۇگىروۆ سەكىلدى قولونەردىڭ قىر-سىرىن ۇققان شەبەر. تاياۋدا جۇرتتى تاعى ءبىر تاڭقالدىرىپ، التىن بەسىك جاساپ شىقتى.

قىرىق جىلعا جۋىق اعاشتان ءتۇيىن تۇيگەن شەبەر سەرىكباي وسپانوۆتىڭ قولىنان قانشا دومبىرا، بەسىك شىققاندىعىن وزگە تۇگىل ءوزى دە ءدوپ باسىپ ايتا المايدى. شامالاپ مىڭعا جەتەعابىل شىعار دەيدى. ءبىراق ءار تۋىندىسىنا ەرەكشە ءبىر رەڭ، وزىندىك ءبىر مازمۇن بەرۋگە تىرىسادى. مىسالى، سوڭعى ءتۇرلى- ءتۇستى مەتالل قولدانا جاساعان بەسىگىنىڭ تاريحي، تاربيەلىك ءمانى بار. سەرىكباي وسپانوۆ، اقىن، قولونەر شەبەرى:

- الكەي مارعۇلان عۇلاما عالىم عوي، سول كىسىنىڭ ءبىر ەڭبەگىندە ايتىلادى. كەشەگى ءبىزدىڭ اتا- بابامىز بار جىلتىراعان التىن، كەرەمەت دۇنيەلەرىنىڭ ءبارىن بەسىككە تاعادى ەكەن. سول ءبىر جاعىنان ەسىمدە بار. سوسىن بۇل ەكولوگيچەسكي تازا نارسە، بۇل ەشقانداي، ەشتەڭە بولمەيدى. مىناۋ مىنانداي ديۋرالليۋمين دەگەن بار عوي، قازىر الليۋميني سالساڭ جەپ- جەڭىل بولادى.

التىن بەسىكتىڭ بوگەنى مەن تابانىن بايلانىستىراتىن ءتۇرلى- ءتۇستى مەتالدار شىنىمەن ەرەكشە كورىك بەرەدى. جانە بالا توسەگى بارىنشا جايلى، ىڭعايلى بولۋ جاعى دا قاراستىرىلعان.

سەرىكباي وسپانوۆ، اقىن، قولونەر شەبەرى:

- كىلەڭ ايتامىز عوي، «التىن بەسىك - تۋعان جەر» ، شىنىندا دا بەسىككە تەڭەپ جاتىر عوي تۋعان جەردىڭ ءوزىن. بالانىڭ توسەگى عوي، توسەگى ادەمى بولسىن، جاقسى بولسىن، مەن كوبىسىنە بالا كورىپ جاتاتىن جاعىنا كوبىنە دومبىرانى سالام، قازاقتىڭ قاسيەتتى سانايتىن زاتتارى عوي، سونى بىلاي سالىپ قويامىن مىنا جەرگە، سول دومبرانى كورىپ ءوسسىن دەگەن نارسە عوي. اقىن سەرىكباي وسپانوۆ ءۇش جۇزگە جۋىق ءان ءسوزىنىڭ اۆتورى. «ساعىندىم الماتىمدى» ، «ءشيلى وزەن»، «ەركە ەلىگىم» سياقتى كوپتەگەن اندەر جالپاق جۇرتقا ءماشھۇر. سان قىرلى سەرىكباي اقىننىڭ بالالارعا ارنالعان شىعارماشىلىعى ءوز الدىنا ءبىر توبە. سونىڭ ىشىندە دومبىرا، بەسىك جايلى تولعايتىن ولەڭ- جىرلارى جەكە ءبىر جيناققا جۇك بولاتىنداي.

سەرىكباي وسپانوۆ، اقىن، قولونەر شەبەرى:

- بەسىككە بايلانىستى اندەر كوپ. وسىندا بىزدە ءبىر انشىلەر توبى سول «اق بەسىكتى» تاماشا ورىندايدى. ول ءبىزدىڭ ۇلتتىق ناقىشقا كەلە بەرمەيدى. ءبىراق ادەمى، ءساتتى شىققان ءان. الگى ءبىزدىڭ ء«الدي، ءالدي اق بوپەم» سياقتى اندەرگە ەلىكتەۋ جوق. وندا كەزدەسە بەرمەيدى دەگەنىم سول عوي، جەڭىل جانە ادەمى ءان.

الداعى ۋاقىتتا قولونەر شەبەرى سەرىكباي اقىن التىن بەسىكتىڭ قۇراستىرمالى ءتۇرىن جاساماق.


24.kz


سوڭعى جاڭالىقتار