ەكپە سالدىرعانداردىڭ يممۋنيتەتى جايلى زەرتتەۋلەر جاريالاندى

نۇر-سۇلتان. قازاقپارات - كوروناۆيرۋسپەن اۋىرىپ، ىندەتتەن جازىلىپ شىققان سوڭ «فايزەر» نەمەسە «مودەرنا» ۆاكتسينالارىن سالدىرعان ادامداردا وسى دەرتكە قارسى كۇشتى يممۋنيتەت پايدا بولادى.

بۇل تۋرالى روكفەللەر ۋنيۆەرسيتەتى عالىمدارىنىڭ زەرتتەۋىنە سىلتەمە جاساپ رەيتەر اگەنتتىگى حابارلادى. زەرتتەۋ قورىتىندىسى بويىنش، بۇل توپتاعى ادامداردا پايدا بولاتىن انتيدەنەلەر وتە يكەمدى بولىپ، كوروناۆيرۋستىڭ 6 شتامىنا ونىڭ ىشىندە بەتا مەن دەلتاعا دا قارسى تۇراتىنىن كورسەتكەن. ال پەنسيلۆانيا ۋنيۆەرسيتەتىنىڭ عالىمدارى كوروناۆيرۋستى جۇقتىرماعان ءبىراق وعان قارسى ەگىلگەن ادزاماتتاردا دا وسىنداي انتيدەنە قالىپتاسادى دەگەن پىكىردە.

پول بەنياس، روكفەللەر ۋنيۆەرسيتەتىنىڭ عالىمى:

- بۇل كوروناۆيرۋستان جازىلىپ ودان كەيىن وسى دەرتكە قارسى ەگىلگەن ادامدار ءۇشىن جاقسى جاڭالىق. ءبىزدىڭ ويىمىزشا بۇل ادامدار جۇقپالى كەسەلگە قارسى جاقسى قورعالادى دەپ سانايمىز. ازىرگە بۇل تەك زەرتحانادا الىنعان ناتيجە. بۇنى ءالى دە زەرتتەۋ قاجەت.

گاۆانا ءوز ەكپەلەرىن تىركەۋدى كوزدەپ وتىر. ال كۋبا بيلىگى جەرگىلىكتى عالىمدار شىعارعان ءۇش ۆاكسينانى دۇنيەجۇزىلىك دەنساۋلىق ساقتاۋ ۇيىمىندا بەكىتۋگە نيەتتى. سەبەبى جەرگىلىكتى بيلىك ولارمەن بالالاردى ۆاكتسينالاۋدى قولعا الىپ جاتىر. جالپى ارالدى ەلدە «ابداللا»، «سوبەرانا-2» جانە «سوبەرانا پليۋس» دەپ اتالاتىن ەكپە دايىندالىپ، شۇعىل جاعدايدا قولدانۋعا رۇقسات ەتىلگەن. جەرگىلىكتى بيلىك ولاردىڭ كوروناۆيرۋسقا قارسى تيىمدىلىگى 90 پروتسەنتتى قۇرايدى دەپ وتىر. قازىرگە دەيىن كۋبانىڭ 37 پروتسەنتى تولىق ەگىلگەن.

24.kz