تۇركيادا قوناق ۇيلەر جاپپاي جابىلا باستادى

نۇر-سۇلتان. قازاقپارات - تۇركيادا مارماريس قوناق ۇيلەرى بيىلعى ماۋسىمنىڭ اياقتالۋىن كۇتپەستەن مەرزىمىنەن بۇرىن جابىلا باستادى.

ولاردىڭ كوپشىلىگى بانكروتتىق قاۋپى بار ايماقتا بولادى. بۇل تۋرالى ەگەيدىڭ وڭتۇستىك تۋريستىك قوناق ۇيلەر قاۋىمداستىعىنىڭ (GETOB) پرەزيدەنتى بۋلەنت بۋلبۋلوگلۋ مالىمدەدى، - دەپ حابارلايدى Kaz.tengritravel.kz ءتىلشىسى.

ونىڭ ايتۋىنشا، كوپتەگەن قوناق ءۇي ماۋسىمنىڭ جاقسى بولۋىنا ۇمىتتەنىپ، بانكتەردەن نەسيە العان. ەندى ولار قارىزدى وتەۋدە ۇلكەن قيىندىقتارعا تاپ بولادى.

«وسى جىل جاعداي بىلتىرعىعا قاراعاندا قيىن بولدى»، - دەدى GETOB پرەزيدەنتى.

قوناق ۇيلەر كەلىسۋگە تىرىسىپ جاتىر. قاۋىمداستىق بانكتەر قاۋىمداستىعىنىڭ، مەملەكەتتىك جانە جەكە بانكتەردىڭ باس مەنەدجەرلەرىنىڭ قاتىسۋىمەن كەزدەسۋ وتكىزدى. ولار نەسيەلەردى وتەۋ كەزىندە تۋىنداعان قوناق ءۇيلەردىڭ ماسەلەلەرىن شەشۋدى تالقىلادى.

«پايىزدىق مولشەرلەمەلەر تىم جوعارى. وسى اپتادا ءبىز جەكە سەكتورداعى بانكتەردەن جاڭا پاكەت كۇتەمىز. ولار ءبىزدى قولداپ، ءبىز جۇمىسىمىزدى جالعاستىرۋىمىز كەرەك. سوندىقتان ءبىز 2022 -جىلى اقشا تاۋىپ، نەسيەلەرىمىزدى 2022 -جىلدىڭ سوڭىندا تولەي باستايمىز»، - دەپ قوستى ساراپشى.