+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

قورقىت اتا تۋرالى سەريال تۇسىرىلەدى

16 قىركۇيەك 07:47
:ءبولىسۋ
قورقىت اتا تۋرالى سەريال تۇسىرىلەدى

نۇر-سۇلتان.قازاقپارات - قازاقستاندا تۇركى الەمىنىڭ ۇلى ويشىلى قورقىت اتا تۋرالى تەلەسەريال تۇسىرۋگە دايىندىق جۇمىستارى باستالدى.

بۇل تۋرالى بۇگىن حالىقارالىق تۇركى اكادەمياسى ۇيىمداستىرعان «تۇركى ەلدەرىندەگى ب ا ق. جاڭا جاعدايداعى ىنتىماقتاستىقتىڭ دامۋى» اتتى دوڭگەلەك ۇستەل بارىسىندا «Qazaqstan» تەلەراديو كورپوراتسياسىنىڭ باسقارما ءتورايىمى ءلاززات تانىسباي مالىمدەدى، دەپ جازادى Egemen.kz.

ونىڭ ايتۋىنشا، كورپوراتسيا قورقىت اتا تۋرالى تەلەسەريال تۇسىرۋگە دايىندىق جۇمىستارىن باستاعان.

«بۇل تەلەحيكايانى كۇللى تۇركى الەمىنە ورتاق ءونىم رەتىندە جاساۋعا جانە سىزدەردىڭ تەلەارنالارىڭىزعا ۇسىنۋ ويىمىزدا بار. سوندىقتان ءتۇسىرۋ جۇمىستارىن باسقا باۋىرلاس ەلدەردىڭ اۋماقتارىندا دا جۇرگىزەتىن بولامىز. وسىعان تۇركى تىلدەس ەلدەردەگى سەرىكتەستەرىمىزدى اتسالىسۋعا شاقىرامىز»، دەدى «Qazaqstan» تەلەراديو كورپوراتسياسىنىڭ باسشىسى.

ايتا كەتۋ كەرەك، بۇگىن نۇر- سۇلتان قالاسىندا ەۋرازيالىق مەديا- فورۋم باستالدى. القالى جيىن اياسىندا حالىقارالىق تۇركى اكادەمياسى «تۇركى ەلدەرىندەگى ب ا ق. جاڭا جاعدايداعى ىنتىماقتاستىقتىڭ دامۋى» اتتى دوڭگەلەك ۇستەل وتكىزدى.

القالى جيىنعا ازەربايجان پرەزيدەنتىنىڭ بۇرىنعى باسپا ءسوز حاتشىسى، تەلەجۇرگىزۋشى توفيگ ابباسوۆ، «Qazaqstan» تەلەراديو كورپوراتسياسىنىڭ باسقارما ءتورايىمى ءلاززات تانىسباي، تۇركيانىڭ NTV ارناسىنىڭ سىرتقى جاڭالىقتار قىزمەتىنىڭ مەنەدجەرى احمەت يەشيلتەپە، ماجارستاننىڭ «دۋنا» تەلەكومپانياسىنىڭ ديرەكتورى پالففي يشتۆان، حالىقارالىق تۇركى اكادەمياسىنىڭ ۆيتسە- پرەزيدەنتى فيزۋلي مادجيدلي، تۇرىكمەنستان مەملەكەتتىك اقپارات اگەنتتىگىنىڭ باس ديرەكتورىنىڭ ورىنباسارى سياحەمۋراد كاكىشيەۆ، تاجىكستاننىڭ «اۆەستا» اقپاراتتىق اگەنتتىگىنىڭ باس رەداكتورى دجاناتحون كۋربانوۆا، سونىمەن قاتار بەلگىلى ب ا ق وكىلدەرى مەن ساراپشىلار قاتىستى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات