مەملەكەت باسشىسى تاجىكستان پرەزيدەنتى ەمومالي راحمونمەن كەزدەستى
قازاقستان پرەزيدەنتىنىڭ تاجىكستانعا جۇمىس ساپارى وسى ەلدىڭ باسشىسى ەمومالي راحمونمەن كەزدەسۋدەن باستالدى.
كەزدەسۋ بارىسىندا قاسىم-جومارت توقايەۆ ەمومالي راحمونعا قوناقجايلىلىعى ءۇشىن ريزاشىلىعىن ءبىلدىردى.
پرەزيدەنت دۋشانبە قالاسىندا وتەتىن ۇقشۇ ۇجىمدىق قاۋىپسىزدىك كەڭەسىنىڭ سەسسياسى مەن شاڭحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ وتىرىسىندا وزەكتى جاھاندىق ماسەلەلەردى تالقىلاۋ اسا ماڭىزدى ەكەنىن ايتتى.
«قوناقجاي تاجىك ەلىنىڭ، دۋشانبە قالاسىنىڭ الداعى ساميتتەرگە دايىندىعى وتە جوعارى دەڭگەيدە ەكەن. ءبىزدىڭ تاراپ مينيسترلەر دەڭگەيىندە قاجەتتى قۇجاتتاردى پىسىقتادى. قول قويىلاتىن قۇجاتتاردى وتىرىس بارىسىندا جان- جاقتى تالقىلايمىز دەپ ويلايمىن»، — دەدى قازاقستان پرەزيدەنتى.
تاراپتار ەكىجاقتى فورماتتا دا، كوپجاقتى قۇرىلىمدار اياسىندا دا بىرلەسكەن ءىس-قيمىلداردى ۇيلەستىرۋگە دايىن ەكەنىن اتاپ ءوتتى.