+7 (701) 759 90 19
5 °С : نۇر-سۇلتان
14 °С : الماتى
USD 423.91 EUR 497.37
RUB 5.82 CNY 65.59
جاڭالىقتار

قاراعاندى وبلىسى اۋماعىندا ترانسۇلتتىق قىلمىستىق توپ اشكەرەلەندى

15 قىركۇيەك 20:57
:ءبولىسۋ
قاراعاندى وبلىسى اۋماعىندا ترانسۇلتتىق قىلمىستىق توپ اشكەرەلەندى

قاراعاندى. قازاقپارات - قاراعاندى وبلىسىنىڭ پروكۋراتۋراسى جۇمىس توبىنىڭ كەزەكتى وتىرىسىندا وڭىردەگى ەسىرتكىنىڭ زاڭسىز اينالىمىنا بايلانىستى قىلمىستىق قۇقىق بۇزۋشىلىقتاردىڭ الدىن الۋ جانە تەرگەۋ ساپاسى ماسەلەلەرىن تالقىلادى.

توپ قۇرامىنا ۇلتتىق قاۋىپسىزدىك كوميتەتى، پوليتسيا، ەكونوميكالىق تەرگەۋ دەپارتامەنتتەرىنىڭ قىزمەتكەرلەرى كىرەدى، دەپ حابارلايدى قازاقپارات ءتىلشىسى.

توپ قۇقىق قورعاۋ ورگاندارى اراسىنداعى ءوزارا ءىس-قيمىلدى، جەدەل اقپارات الماسۋدى جانە پروبلەمالىق ماسەلەلەردى شەشۋدى قامتاماسىز ەتۋ ءۇشىن قۇرىلعان.

جۇمىس توبىنىڭ كەزەكتى وتىرىسىندا قۇقىق قورعاۋ ورگاندارى باسشىلارىنىڭ ەسىرتكى قۇرالدارىنىڭ زاڭسىز اينالىمىنا قارسى كۇرەس، سونداي-اق ناشاقورلىقتىڭ الدىن الۋ بويىنشا جۇرگىزىلگەن جۇمىستار تۋرالى ەسەپتەرى تىڭدالدى.

«بىرلەسكەن جۇمىستىڭ وڭ ناتيجەلەرىنىڭ ءبىرى رەتىندە قاراعاندى وبلىسىنىڭ اۋماعىندا اسا ءىرى كولەمدە ەسىرتكى ساتۋمەن اينالىسقان ترانسۇلتتىق قىلمىستىق توپتىڭ اشكەرەلەنۋى اتاپ ءوتىلدى. ەلىمىزدىڭ وڭتۇستىك وڭىرلەرىنەن ءىرى پارتيالاردى جەتكىزۋدىڭ ءبىرقاتار ارنالارىنىڭ جولى كەسىلدى. 13 كيلوگرامنان استام سينتەتيكالىق ەسىرتكى قۇرالدارى تاركىلەندى»، - دەپ مالىمدەدى قاراعاندى وبلىستىق پروكۋراتۋراسىنىڭ باسپا ءسوز قىزمەتى.

سونىمەن قاتار وتىرىستا ەسىرتكى قۇرالدارىن ينتەرنەت-رەسۋرستار ارقىلى، بايلانىسسىز جولمەن ساتۋ قىلمىستارىمەن كۇرەس، جەدەل بولىمشەلەردى تەحنيكالىق جاراقتاندىرۋ جانە جاس قىزمەتكەرلەردىڭ كاسىبي دايارلىعىن ارتتىرۋ ماسەلەلەرى تالقىلاندى.

وبلىس پروكۋراتۋراسى ەسىرتكىنى زاڭسىز تۇتىنۋ، دايىنداۋ، ساقتاۋ، ساتىپ الۋ، تاسىمالداۋ، ساتۋ جانە جارنامالاۋ ءۇشىن قىلمىستىق جاۋاپكەرشىلىك جانە ءومىر بويىنا باس بوستاندىعىنان ايىرۋعا دەيىنگى جازا قاراستىرىلاتىنىن ەسكەرتەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات