+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

جۇمىس پەن تابىس تۋرالى سۇراق نە ءۇشىن قويىلادى - حالىق ساناعى

15 قىركۇيەك 20:42
:ءبولىسۋ
جۇمىس پەن تابىس تۋرالى سۇراق نە ءۇشىن قويىلادى - حالىق ساناعى

نۇر-سۇلتان. قازاقپارات - جالپى ۇلتتىق ساناق سۇراعىنداعى جۇمىس پەن تابىس جونىندەگى ساۋالدار ەلدىڭ ءال-اۋقاتى تۋرالى ناقتى دەرەكتەردى جيناۋ ءۇشىن ماڭىزدى.

ۇلتتىق ستاتيستيكا بيۋروسىنىڭ باسشىسى نۇربولات ايداپكەلوۆ ورتالىق كوممۋنيكاتسيالار قىزمەتىندە وتكەن بريفينگىدە وسىنداي پىكىر ءبىلدىردى، دەپ حابارلايدى قازاقپارات ءتىلشىسى.

«جۇمىسپەن قامتۋ جانە تابىسى تۋرالى دەرەكتەردى جيناۋ مەملەكەتكە حالىقتىڭ الەۋمەتتىك-ەكونوميكالىق جاعدايىن وبەكتيۆتى جانە جان-جاقتى باعالاۋدى قالىپتاستىرۋعا مۇمكىندىك بەرەدى. حالىق ساناعى اياسىندا حالىقتى جۇمىسپەن قامتۋ تۋرالى مالىمەتتەردى جيناقتاۋ ادامدار مەن ءۇي شارۋاشىلىقتارىنىڭ الەۋمەتتىك- ەكونوميكالىق جاعدايىن باعالاۋ، سونداي-اق جۇمىس ورىندارىن اشۋعا، جۇمىسقا ورنالاسۋعا، جۇمىسسىزدىققا بايلانىستى كوپتەگەن ەكونوميكالىق جانە الەۋمەتتىك ماسەلەلەر بويىنشا ساياسات پەن باعدارلامالاردى جوسپارلاۋ ءۇشىن وتە ماڭىزدى»، - دەدى ول.

بيۋرو باسشىسى ارالىق ساناق كەزەڭىندە مۇنداي دەرەكتەردىڭ حالىقتى جۇمىسپەن قامتۋ بويىنشا ءۇي شارۋاشىلىقتارىن ىرىكتەپ تەكسەرۋ قورىتىندىلارى بويىنشا الىناتىنىن ءتۇسىندىردى.

«حالىق ساناعى اياسىندا حالىقتىڭ ءومىر ءسۇرۋ جانە تابىس كوزدەرى تۋرالى مالىمەتتەر جيناۋ جۇمىس كۇشى مەن جۇمىسپەن قامتۋ مارتەبەسىنىڭ كورسەتكىشتەرىن تولىقتىراتىن ماڭىزدى تۇجىرىمداما بولىپ تابىلادى. بۇل وتباسىنىڭ ءال-اۋقاتىنىڭ، كەدەيلىك دەڭگەيىنىڭ سيپاتتاماسى»، - دەدى نۇربولات ايداپكەلوۆ.

ونىڭ ايتۋىنشا، ساناق قورىتىندىسى بويىنشا حالىقتىڭ ءومىر ءسۇرۋ كوزدەرىنىڭ تۇرلەرى، جىنىسى، جاسى، وڭىرلەرى تۋرالى دەرەكتەر جيناقتالادى. سونداي-اق، تابىس مولشەرى تۋرالى دەرەكتەر، COVID-19 پاندەمياسىنىڭ تابىس دەڭگەيىنە قالاي اسەر ەتكەنى تۋرالى اقپارات تۇزىلەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات