+7 (701) 759 90 19
7 °С : نۇر-سۇلتان
°С : الماتى
USD 425.3 EUR 501.05
RUB 5.85 CNY 65.88
جاڭالىقتار

قازاقستان مەن وڭتۇستىك كورەيا ەڭبەك ميگرانتتارىنا قاتىستى ماسەلەنى تالقىلاپ جاتىر - ەلشى

15 قىركۇيەك 20:13
:ءبولىسۋ
قازاقستان مەن وڭتۇستىك كورەيا ەڭبەك ميگرانتتارىنا قاتىستى ماسەلەنى تالقىلاپ جاتىر - ەلشى

نۇر-سۇلتان. قازاقپارات - قازاقستان مەن وڭتۇستىك كورەيا زاڭسىز ەڭبەك ميگراتسياسى ماسەلەسىن تالقىلاپ جاتىر.

بۇل تۋرالى كورەيانىڭ قازاقستانداعى توتەنشە جانە وكىلەتتى ەلشىسى كۋ حونگ-سوك ەلوردادا ب ا ق وكىلدەرىمەن كەزدەسۋىندە ايتتى، دەپ حابارلايدى قازاقپارات.

«قازىر ەكى ەل اراسىندا زاڭسىز جۇمىس ميگرانتتار ماسەلەسىن شەشۋ قىزۋ تالقىلاپ جاتىر. سونىمەن قاتار قازاقستان ازاماتتارىنىڭ وڭتۇستىك كورەيادا زاڭدى جۇمىس ىستەۋ ماسەلەسى دە قارالۋدا. بۇل ماسەلە وتە ماڭىزدى جانە ءبىز ءوز تاراپىمىزدان بار كۇشىمىزدى سالاتىن بولامىز»، - دەدى كۋ حونگ-سوك.

ەلشى ءوز سوزىندە كورەيا ءۇشىن زاڭسىز جۇمىس ميگرانتتارى اسا كۇردەلى الەۋمەتتىك ماسەلە ەكەندىگىن جەتكىزدى.

«زاڭسىز ميگرانتتار ماسەلەسى قازاقستانعا عانا قاتىستى ەمەس. سەبەبى كورەيادا زاڭسىز جۇمىس ىستەيتىن باسقا ەلدىڭ ازاماتتارى دا وتە كوپ»، - دەپ تولىقتىردى ەلشى ءسوزىن.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات