+7 (701) 759 90 19
7 °С : نۇر-سۇلتان
°С : الماتى
USD 423.91 EUR 497.37
RUB 5.82 CNY 65.59
جاڭالىقتار

گاندبولدان ازيا چەمپيوناتى: قازاقستان قىزدارى جەڭىسكە جەتتى

15 قىركۇيەك 19:40
:ءبولىسۋ
گاندبولدان ازيا چەمپيوناتى: قازاقستان قىزدارى جەڭىسكە جەتتى

نۇر-سۇلتان. قازاقپارات - بۇگىن گاندبولدان قىزدار اراسىنداعى ازيا چەمپيوناتىنىڭ العاشقى تۋرىندا قازاقستان قۇراماسى سينگاپۋردەن باسىم ءتۇستى، دەپ حابارلايدى قازاقپارات ءتىلشىسى.

قازاقستاندىق سپورتشىلار سينگاپۋر قىزدارىن 33:18 ەسەبىمەن جەڭدى. ال اتالعان توپتاعى وڭتۇستىك كورەيا وزبەكستاندى 45:19 ەسەبىمەن تىزە بۇكتىردى.

جارىسقا قاتىساتىن 12 قۇراما ەكى توپقا بولىنگەن. قازاقستان قىزدارى ا توبىندا وڭتۇستىك كورەيا، گونكونگ، سينگاپۋر، قاتار، وزبەكستان قۇرامالارىمەن سىنعا تۇسەدى.

الدىمەن قازاقستاندىق گاندبولشىلار ەندى 16- قىركۇيەكتە گونكونگ، 17- قىركۇيەكتە وزبەكستانمەن شەبەرلىك بايقاسادى.

ال 21- قىركۇيەكتە وڭتۇستىك كورەيامەن كەزدەسەدى. ال ۆ توبىندا يوردانيا، جاپونيا، يران، ءۇندىستان، كۋۆەيت، اۋعانستان بار.

ازيا چەمپيوناتىندا 23- قىركۇيەكتە جارتىلاي فينال وتكىزىلسە، فينال 25- قىركۇيەككە بەلگىلەنگەن.

ايتا كەتسەك، قۇرلىقتىق دودا 1987-جىلدان بەرى تۇراقتى تۇردە وتكىزىلىپ كەلەدى. بۇعان دەيىن وڭتۇستىك كورەيا 14 مارتە چەمپيون اتاندى. ال قازاقستان قۇراماسى 2002 جانە 2010-جىلدارى ەكى مارتە جەڭىمپاز تۇعىرىنان كورىندى. ال جاپونيا ءبىر مارتە التىننان القا تاقتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات