+7 (701) 759 90 19
7 °С : نۇر-سۇلتان
°С : الماتى
USD 423.91 EUR 497.37
RUB 5.82 CNY 65.59
جاڭالىقتار

ارۋجان ساين الماتى بالالار ۇيىندە ءسابيدى ۇرىپ- سوعىپ جاتقان ۆيدەوعا تۇسىنىكتەمە بەردى

15 قىركۇيەك 18:23
:ءبولىسۋ
ارۋجان ساين الماتى بالالار ۇيىندە ءسابيدى ۇرىپ- سوعىپ جاتقان ۆيدەوعا تۇسىنىكتەمە بەردى

الماتى. قازاقپارات - بالا قۇقىقتارى جونىندەگى ۋاكىل ارۋجان ساين الماتىداعى بالالار ءۇيىنىڭ قىزمەتكەرى تاربيەلەنۋشىنى ۇرىپ- سوعىپ جاتقان ۆيدەو مەن سۋرەتكە قاتىستى تۇسىنىكتەمە بەردى، دەپ حابارلايدى قازاقپارات ءتىلشىسى.

ۆيدەو الماتىداعى «جانۇيا» مامانداندىرىلعان كەشەنىندە تۇسىرىلگەن.

«كەشە ينتەرنەتتە وسى مەكەمە تاربيەلەنۋشىلەرىنىڭ انىق فيزيكالىق زورلىق- زومبىلىق پەن كۇتىمسىزدىك بەلگىلەرى بار سۋرەتتەرى مەن ۆيدەولارى تاراتىلدى. الايدا، بالالاردىڭ ماعان ۇسىنىلعان ۆيدەولارىندا، ولاردا جاراقاتتىڭ، ۇرىپ- سوعۋدىڭ ىزدەرى كورىنبەيدى. بالالار ءۇيىنىڭ قازىرگى ديرەكتورى مەملەكەت اتىنان مەكەمە تاربيەلەنۋشىلەرىنىڭ رەسمي قامقورشىسى بولىپ ەسەپتەلەدى. بۇل ۆيدەو مەن فوتولاردى كىم، قاشان جانە قانداي جاعدايدا تۇسىرگەنىن انىقتاۋ ءۇشىن ول الماتى پوليتسيا دەپارتامەنتىنە جانە پروكۋراتۋراعا جۇگىنۋگە مىندەتتى. مەن وسى ۆيدەونى تۇسىرگەن قىزمەتكەرلەردىڭ نەلىكتەن پوليتسياعا ۋاقىتىندا جۇگىنبەگەنىن، ءوز مىندەتتەرىن ورىنداماي، بالالاردىڭ قۇقىقتارىن قورعاماعانىن انىقتادىم»، - دەدى ارۋجان ساين.

الماتى قالاسىنىڭ پروكۋراتۋراسى بالا قۇقىقتارى جونىندەگى ۋاكىل ارۋجان ءسايننىڭ باستاماسىمەن وسى ورتالىقتا تەكسەرىس جۇرگىزدى. تەكسەرىس بارىسىندا كوپتەگەن بۇزۋشىلىقتار انىقتالدى. بۇرىنعى باسشىلىق پەن ءبىرقاتار قىزمەتكەرلەرگە قاتىستى بىرنەشە قىلمىستىق ءىس تىركەلدى. قالا پروكۋراتۋراسى مەكەمە قىزمەتكەرلەرىنىڭ جالاقىسىن نەگىزسىز ارتىق تولەۋ، تاۋارلىق- ماتەريالدىق قۇندىلىقتاردىڭ، ونىڭ ىشىندە دەمەۋشىلىك كومەكتىڭ جەتىسپەۋشىلىگى، مەكەمە ءۇي- جايلارىن اعىمداعى جوندەۋ بويىنشا ناقتى ورىندالماعان جۇمىستارعا اقى تولەۋ فاكتىلەرى انىقتالعانىن حابارلادى.

تەكسەرۋ ماتەريالدارى بويىنشا 58 ميلليون تەڭگە كولەمىندە بيۋدجەت قاراجاتىن جىمقىرۋ فاكتىلەرى بويىنشا قىلمىستىق ءىس قوزعالدى. قازىرگى ۋاقىتتا الماتى قالاسى بويىنشا ەكونوميكالىق تەرگەۋ دەپارتامەنتى قازاقستان رەسپۋبليكاسى قىلمىستىق كودەكسىنىڭ 189-بابى 3-بولىگى 1-تارماعى بويىنشا سوتقا دەيىنگى تەرگەۋ جۇرگىزۋدە.

اۆتور: دۋمان ارعىنگەلدى



:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات