+7 (701) 759 90 19
7 °С : نۇر-سۇلتان
°С : الماتى
USD 425.3 EUR 501.05
RUB 5.85 CNY 65.88
جاڭالىقتار

ساناققا قاتىسۋدان باس تارتقاندارعا شارا قولدانىلا ما

15 قىركۇيەك 18:37
:ءبولىسۋ
ساناققا قاتىسۋدان باس تارتقاندارعا شارا قولدانىلا ما

نۇر- سۇلتان. قازاقپارات - ساناققا قاتىسۋدان باس تارتىپ، ءوزى تۋرالى مالىمەت بەرمەگەن ازاماتتاعا قارسى شارا قولدانىلا ما؟

ورتالىق كوممۋنيكاتسيالار قىزمەتىندە وتكەن بريفينگىدە ۇلتتىق ستاتيستيكا بيۋروسىنىڭ باسشىسى نۇربولات ايداپكەلوۆكە وسىنداي سۇراق قويىلدى، دەپ حابارلايدى قازاقپارات ءتىلشىسى.

«جالپى ۇلتتىق ساناق كەزىندە ينتەرۆيۋەرلەردىڭ انكەتا بويىنشا قويىلعان سۇراقتارىنا جاۋاپ بەرۋدەن باس تارتقاندارعا زاڭنامادا نورما قاراستىرىلعان. بۇل نورما بارشا ستاتيستيكالىق اقپاراتتاردى ۇسىنۋ ماسەلەسىن قوزعايدى. ونىڭ ىشىندە حالىق ساناعى دا بار. ءبىراق بۇل نورما ساناق كەزىندە ءوزى تۋرالى مالىمەت ۇسىنۋدان باس تارتقان ادامدارعا قارسى ەشقاشان قولدانىلىپ كورگەن جوق. ءبىز بارىنشا ۇگىت- ناسيحات جۇرگىزىپ، پىكىرىن وزگەرتۋ باعىتىندا جۇمىسقا كۇش سالامىز. ازاماتتارىمىزدىڭ دا بۇل ىسكە سانالى تۇردە قارايتىنىنا ۇمىتتەنەمىز. سوندىقتان، بۇل نورما ەرتەڭ قولدانىلىپ، باس تارتقانداردىڭ بارىنە ايپپۇل سالامىز دەسەك، شىندىققا جاناسپايدى»، - دەدى بيۋرو باسشىسى.

اتالمىش شارادا نۇربولات ايداپكەلوۆ ساناق قورىتىندىسىن كىمدەر كورە الاتىنى ايتقان بولاتىن. «بىرىنشىدەن، ءبىز ساناق قورىتىندىسى بويىنشا بازانى وڭدەگەننەن كەيىن ونى ارنايى كەستەلەر بويىنشا ينتەرنەتتەگى سايتىمىزعا سالامىز. ءبىراق بازاعا ناقتى تالاپ بويىنشا كىرۋگە بولادى. باستى تالاپ - ساناق قورىتىندىسىمەن تانىسقىسى كەلگەن ادام عىلىممەن اينالىساتىنىن دالەلدەۋى كەرەك. سونىمەن بىرگە ءىر- سەرۆيس ارقىلى ءبىزدىڭ جۇيەگە كىرۋ مۇمكىندىگى بولۋى كەرەك. سول تالاپتاردى ساقتاسا، دەەدينتيفيكاتسيالىق مازمۇنداعى بازاعا كىرۋىنە بولادى»، - دەدى ۆەدومستۆو باسشىسى.

اۆتور: ەسىمجان ناقتىباي



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات