+7 (701) 759 90 19
7 °С : نۇر-سۇلتان
°С : الماتى
USD 425.3 EUR 501.05
RUB 5.85 CNY 65.88
جاڭالىقتار

شىمكەنتكە ۇشىپ بارا جاتقان ۇشاقتا جولاۋشى ايەل كوز جۇمدى

15 قىركۇيەك 16:02
:ءبولىسۋ
شىمكەنتكە ۇشىپ بارا جاتقان ۇشاقتا جولاۋشى ايەل كوز جۇمدى

نۇر- سۇلتان. قازاقپارات - QAZAQ AIR اۋە كومپانياسىنىڭ باسپا ءسوز قىزمەتى ۇشاق سالونىندا ايەل جولاۋشىنىڭ قايتىس بولعانىن راستادى، دەپ حابارلايدى قازاقپارات ءتىلشىسى.

كومپانيا باسپا ءسوز قىزمەتىنىڭ حابارلاۋىنشا، وقيعا 14- قىركۇيەك كۇنى نۇر- سۇلتان - شىمكەنت باعىتىنداعى رەيستە بولعان.

«ۇشۋ كەزىندە سالوننىڭ ەكيپاجى جولاۋشىنىڭ ناۋقاس جانە شۇعىل كومەككە مۇقتاج ەكەنى تۋرالى اقپارات الدى. بورتسەرىك جولاۋشى وتىرعان ورىنعا جاقىنداعاندا جولاۋشى ەس- ءتۇسسىز جاتقان. تەكسەرۋ كەزىندە تامىر سوعىسى (پۋلس) مەن تىنىس الۋ بەلگىلەرى بولعان جوق. ۇشاقتىڭ كومانديرىنە مالىمەت بەرىلىپ، جولاۋشىلار كومەككە شاقىرىلدى. جولاۋشىلار اراسىندا بولعان دارىگەر ۇندەۋگە قۇلاق اسىپ، نۇسقاۋلىق بويىنشا بورتسەرىكپەن بىرگە جۇرەك- وكپە رەانيماتسياسىن جاسادى»، - دەپ باياندايدى وقيعا تۋرالى كومپانيا.

اقىرى ۇشاق كومانديرى جاقىن ماڭداعى اۋەجايعا قونۋ تۋرالى شەشىم قابىلدايدى. «ەكيپاج اۋە ديسپەتچەرلەرى ارقىلى جەدەل جاردەم شاقىردى. جەزقازعان قالاسىنىڭ اۋەجايىنا كەلگەن دارىگەرلەر «ءولىم» تۋرالى رەسمي حابارلادى. QAZAQ AIR جولاۋشىنىڭ وتباسى مەن جاقىندارىنا قايعىسىنا ورتاقتاسىپ كوڭىل ايتادى»، - دەپ جازادى QAZAQ AIR كومپانياسىنىڭ باسپا ءسوز قىزمەتى.

اۆتور: ەسىمجان ناقتىباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات