+7 (701) 759 90 19
7 °С : نۇر-سۇلتان
°С : الماتى
USD 425.3 EUR 501.05
RUB 5.85 CNY 65.88
جاڭالىقتار

اقمولا وبلىسىندا ءتۇرلى ەتنوس وكىلدەرى اراسىندا مەملەكەتتىك ءتىلدى ۇزدىك مەڭگەرگەندەر انىقتالدى

15 قىركۇيەك 15:55
:ءبولىسۋ
اقمولا وبلىسىندا ءتۇرلى ەتنوس وكىلدەرى اراسىندا مەملەكەتتىك ءتىلدى ۇزدىك مەڭگەرگەندەر انىقتالدى

كوكشەتاۋ. قازاقپارات - قازاقستان حالقى تىلدەرىنىڭ ونكۇندىگى اياسىندا اقمولا وبلىسىندا تاۋەلسىزدىكتىڭ 30 جىلدىعىنا ارنالعان مەملەكەتتىك ءتىلدى مەڭگەرگەن ءتۇرلى ەتنوس وكىلدەرى اراسىندا

«مەملەكەتتىك ءتىل - تاۋەلسىزدىك سيمۆولى» اتتى ونلاين- بايقاۋ ءوتتى، دەپ حابارلايدى قازاقپارات وبلىستىق ىشكى ساياسات باسقارماسىنا سىلتەمە جاساپ.

ءىس- شاراعا وبلىستىڭ اۋداندارى مەن قالالارىنان ءتۇرلى قىزمەت سالاسىنداعى 14 ۇمىتكەر قاتىستى. بايقاۋ مەملەكەتتىك ءتىلدىڭ قولدانىس اياسىن كەڭەيتۋ، قازاق ءتىلىنىڭ ەتنوسارالىق قارىم- قاتىناس ءتىلى رەتىندەگى قىزمەتىن نىعايتۋ، مەملەكەتتىك ءتىلدى مەڭگەرگەن ءتۇرلى ەتنوس وكىلدەرىن ىنتالاندىرۋ ماقساتىندا وتكىزىلدى. ۇيىمداستىرۋشىلاردىڭ اتاپ وتۋىنشە، بايقاۋدىڭ ءبىرىنشى كەزەڭىندە قاتىسۋشىلار قىسقا مەتراجدى بەينەروليكتەر ۇسىندى، وندا ولار قازاق ءتىلىن ۇيرەنۋدەگى مۇددە مەن جەتىستىكتەر تۋرالى ايتىپ بەردى، بەلگىلى قازاق اقىندارى مەن جازۋشىلارىنىڭ شىعارمالارىنان ۇزىندىلەر وقىدى.

ەكىنشى كەزەڭدە قاتىسۋشىلار «ءتىل مەن تاۋەلسىزدىك ەگىز ۇعىم» تاقىرىبىندا وي تولعادى. بايقاۋ قورىتىندىسى بويىنشا ءبىرىنشى ورىنعا سەلينوگراد اۋدانى ارايلى اۋىلى ورتا مەكتەبىنىڭ قازاق ءتىلى مەن ادەبيەتى ءپانىنىڭ مۇعالىمى اناستاسيا يرۋبايەۆا يە بولدى. ەكىنشى ورىندى كوكشەتاۋ قالاسىنىڭ «Zerek» بالاباقشاسىنىڭ تاربيەشىسى اناستاسيا كراۆچەنكو، ءۇشىنشى ورىندى ەسىل اۋدانى ى. التىنسارين اتىنداعى يگىلىك نەگىزگى ورتا مەكتەبىنىڭ پەداگوگ - پسيحولوگى رادميلا بيگۋجانوۆا يەلەندى.

«ءوز باسىم مەملەكەتتىك ءتىلدى مەڭگەرۋ ءار ءبىر ازاماتتىڭ پارىزى جانە مىندەتى دەپ بىلەمىن. قازاق ءتىلىن مەڭگەرىپ قانا قويماي قازاق تىلىندە بالالارعا ءبىلىم بەرۋ مەن ءۇشىن ۇلكەن باقىت»، - دەپ اناستاسيا يرۋبايەۆا ءوز ويىمەن ءبولىستى.

بايقاۋدىڭ جەڭىمپازدارى مەن قاتىسۋشىلارى ديپلومدار، العىس حاتتار جانە باعالى سىيلىقتارمەن ماراپاتتالادى. ايتا كەتەيىك، بايقاۋدىڭ ايماقتىق كەزەڭىنىڭ جەڭىمپازى قاراشا ايىندا وتەتىن رەسپۋبليكالىق بايقاۋدا اقمولا وبلىسىنىڭ نامىسىن قورعايتىن بولادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات