+7 (701) 759 90 19
7 °С : نۇر-سۇلتان
°С : الماتى
USD 423.91 EUR 497.37
RUB 5.82 CNY 65.59
جاڭالىقتار

سوي ماۋسىمدىق تۇماۋعا قارسى ەكپە سالدىردى

15 قىركۇيەك 12:35
:ءبولىسۋ
سوي ماۋسىمدىق تۇماۋعا قارسى ەكپە سالدىردى

الماتى. قازاقپارات - قازاقستاننىڭ دەنساۋلىق ساقتاۋ ءمينيسترى الەكسەي سوي ماۋسىمدىق تۇماۋعا قارسى ەكپە سالدىردى، - دەپ حابارلايدى دەنساۋلىق ساقتاۋ مينيسترلىگى.

«بيىل ءبىرىنشى بولىپ تۇماۋعا قارسى ەكپە سالدىرعانداردىڭ ءبىرى - دەنساۋلىق ساقتاۋ ءمينيسترى الەكسەي سوي.

بۇگىن ەلىمىزدە رەسپۋبليكالىق ۆاكسيناتسيا ناۋقانى باستالدى، وسى ورايدا ۆەدومستۆو باسشىسى نۇر-سۇلتان قالاسى اكىمدىگىنىڭ «№6-قالالىق ەمحاناسى» ش ج ق م ك ك بارىپ، رەسەيلىك «گريپپول+» ۆاكسيناسىن سالدىردى»، - دەلىنگەن حابارلامادا.

دەنساۋلىق ساقتاۋ ءمينيسترىنىڭ ايتۋىنشا، بيىل حالىقتى ۆاكسيناتسيالاۋ اسا قاجەت، ويتكەنى كوروناۆيرۋس پاندەمياسى كەزىندە تۇماۋ دا ءورشۋى مۇمكىن. سوعان بايلانىستى ەلدە تۇماۋعا قارسى ەكپە ەكى اپتا بۇرىن باستالعان.

«جىلدا كۇز كەلگەندە ج ر ۆ ي مەن تۇماۋ ءورشيدى. 2019-2020 -جىلعى ەپيدەميولوگيالىق ماۋسىمدا ج ر ۆ ي اۋىرعان 431120 ادام تىركەلدى، ونىڭ ىشىندە 2 جارىم مىڭنان اسا ناۋقاس زەرتحانادا انىقتالعان تۇماۋعا شالدىققان. ونىڭ 284033 ى نەمەسە 61,4 پايىزى 14 جاسقا تولماعان بالالار. بيىل حالىقتى ۆاكسيناتسيالاۋ اسا قاجەت، ويتكەنى كوروناۆيرۋس پاندەمياسى كەزىندە تۇماۋ دا ءورشۋى مۇمكىن، سول كەزدە ەلدەگى جاعدايدى تۇراقتاندىرۋ قيىن بولادى. سوندىقتان بۇل جولى ەلىمىزدە ۆاكسيناتسيانى جىلداعىدان ەكى اپتا بۇرىن باستايمىز. قازاقستان قاۋىپسىز، ءتيىستى زەرتحانالىق سىناقتاردان جانە باقىلاۋدان وتكەن، ساپالى ۆاكسينا ساتىپ العانىن كورسەتۋ ءۇشىن ءوزىم ءبىرىنشى بولىپ ەكپە سالدىردىم»، - دەدى سوي.

ايتا كەتەيىك، 2020 -جىلى قازاقستاندا ەگۋ ناۋقانى 15-قىركۇيەك پەن 15-قاراشا ارالىعىندا وتەدى.

تۇماۋعا قارسى «گريپپول+» ۆاكسيناسى ەرەكشە جوعارى يممۋنيتەت قالىپتاستىراتىنى ايتىلدى.

ۆاكسينا تاۋەكەل توبىنا كىرەتىن ادامدار ءۇشىن تەگىن:

مەكتەپ جاسىنا تولماعان جانە مەكتەپ جاسىنداعى بالالار؛

مەديتسينا قىزمەتكەرلەرى؛

جۇكتى ايەلدەر (جۇكتىلىكتىڭ 2-3 تريمەسترى)؛

جابىق مەكەمەلەردەگى ادامدار (بالالار ءۇيى، مەكتەپ-ينتەرناتتار)؛

سوزىلمالى اۋرۋى بار ەرەسەكتەر مەن بالالار؛

60 جاستان اسقان قارتتار.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات