11:35, 15 - قىركۇيەك 2021 | GMT +6
ءماجىلىس دەپۋتاتى قازاقستان حالقىنا انت بەردى
نۇر-سۇلتان. قازاقپارات – ق ر پارلامەنتى ءماجىلىسىنىڭ دەپۋتاتى عاني حامزين قازاقستان حالقى الدىندا انت بەردى، دەپ حابارلايدى قازاقپارات ءتىلشىسى.
«بۇگىن ءبىزدىڭ قاتارىمىزعا تاعى ءبىر دەپۋتات قوسىلىپ وتىر. «اق جول» پارتياسىنىڭ ءتىزىمى بويىنشا عاني بولات ۇلى حامزين ورتالىق سايلاۋ كوميسسياسىنىڭ قاۋلىسىمەن ءماجىلىس دەپۋتاتى رەتىندە تىركەلدى. وسىعان بايلانىستى كونستيتۋتسيامىزدىڭ 51-بابىنىڭ 6-تارماعىنا سايكەس پارلامەنتتىڭ دەپۋتاتى قازاقستان حالقىنا انت بەرەدى»، - دەدى بۇگىن ءماجىلىستىڭ جالپى وتىرىسىن اشقان تومەنگى پالاتا سپيكەرى نۇرلان نىعماتۋلين.
وسىدان كەيىن كونستيتۋتسياعا سايكەس دەپۋتات ەل الدىندا انت بەردى.
«قازاقستان حالقىنا ادال قىزمەت ەتۋگە، قازاقستان رەسپۋبليكاسىنىڭ تۇتاستىعى مەن تاۋەلسىزدىگىن نىعايتۋعا، ونىڭ كونستيتۋتسياسى مەن زاڭدارىنا قاتاڭ باعىنۋعا، دەپۋتاتتىڭ وزىمە جۇكتەلگەن مارتەبەلى مىندەتتەردى ادال اتقارۋعا انت ەتەمىن»، - دەدى عاني حامزين.