11:20, 15 - قىركۇيەك 2021 | GMT +6
ەلوردادا گۇل ساتۋشى بولۋ ءۇشىن ۋاقىتشا سىناق مەرزىمىندە جۇرگەن بويجەتكەن كاسسادان اقشا ۇرلادى
نۇر-سۇلتان. قازاقپارات - ەلوردادا كريمينالدىق پوليتسيا قىزمەتكەرلەرى كاسسادان اقشا ۇرلادى دەگەن كۇدىككە ىلىنگەن 19 جاستاعى بويجەتكەندى ۇستادى، دەپ حابارلايدى قازاقپارات قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
گۇلدەر پاۆيلونىندا ساتۋشى بولۋ ءۇشىن ۋاقىتشا سىناق مەرزىمىندە جۇرگەن قىز جۇمىستىڭ ەكىنشى كۇنىندە دۇكەن يەسىنىڭ سەنىمىنە كىرىپ، بەينەباقىلاۋ كامەراسىنىڭ جوقتىعىن پايدالانىپ، كاسسادان اقشا ۇرلاعان. اتالعان فاكتى بويىنشا قىلمىستىق ءىس قوزعالدى.
ۇستالعان بويجەتكەن كىناسىن مويىندادى. ونىڭ ەلوردا اۋماعىندا وسىعان ۇقساس بۇرىنعى قىلمىستارعا قاتىسى بار-جوعى تەكسەرىلىپ جاتىر.