ەلوردا اكىمدىگىنىڭ الدىنداعى الاڭدا جايلى ساياباق اشىلادى

None
None
نۇر- سۇلتان. قازاقپارات - ەلوردا اكىمدىگى عيماراتىنىڭ الدىنداعى ورتالىق الاڭدا سكۆەر اشىلادى. قازىر اعاش وتىرعىزۋ باستالىپ كەتتى، دەپ حابارلايدى قازاقپارات قالا اكىمدىگىنە سىلتەمە جاساپ.

بەيبىتشىلىك كوشەسىنىڭ بويىندا، سونداي- اق اباي كوشەسىنە جاقىن ورنالاسقان تۇسقا جوكە اعاشىن وتىرعىزۋ باستالدى. كۇزدە 770,3 تەكشە مەتر الاڭعا 200 گە جۋىق اعاش وتىرعىزۋ جوسپارلانىپ وتىر. سونىمەن قاتار، لاندشاف ارالدار جاسالادى، وندا كوپجىلدىق بۇتا مەن گۇل ەگىلەدى. الاڭ اۋماعىن كوگالداندىرۋمەن قاتار، ونىڭ باسقا بولىگىندە (Sine Tempore ساۋدا ورتالىعىنا قاراما- قارسى) سۋبۇرقاق كەشەنى مەن امفيتەاتر سالىنىپ جاتىر. مۇندا اركالى سۋبۇرقاق ورناتۋ جوسپارلانعان. ونىڭ ديزاينىندا سۋدان وتتەگىنى الىپ تاستايتىن ارنايى ساڭىلاۋلار قولدانىلادى، ناتيجەسىندە سۋ ءمولدىر بولادى. تۇنگى ۋاقىتتا جارىق قوسىلىپ، ودان اسەرلى بولادى. بۇل الاڭدا تۇماندى بۇلت شىعاراتىن سۋبۇرقاق ارت- نىسانى دا ورنالاسادى. ونىڭ اينالاسىنا قۇرعاق سۋبۇرقاق سالۋ جوسپارلانۋدا.

«بوس جەرلەر مەن قاراۋسىز قالعان ۋچاسكەلەردە جايلى ساياباقتار مەن قوعامدىق كەڭىستىك اشىلۋى مۇمكىن، وندا قالا تۇرعىندارى سۋبۇرقاقتىڭ جانىندا سايا تاۋىپ، اعاش كولەڭكەسىندە دەمالدى. مۇنى ءبىز قالاداعى اشىلاتىن تارتىمدى ورىنداردان، ەمەن اللەياسىنان، سەرۋەندەۋ ساياباقتارىنان بايقاۋعا بولادى. ىڭعايلى قالالىق ورتا ادامدى جاقسى جاققا وزگەرتەدى. مىسالى، كەز- كەلگەن جەرگە قوقىس تاستاۋعا بولمايدى قولايلى ءارى ادەمى جەردە ادامنىڭ كوڭىل- كۇيى كوتەرىلەدى. مۇنداي جۇمىس بارلىق اۋداندا ورتالىقتاندىرۋ قاعيداتى بويىنشا جۇرگىزىلەدى»، - دەدى ساۋلەت، قالا قۇرىلىسى جانە جەر قاتىناستارى باسقارماسىنىڭ باسشىسى نۇرلان ۇرانقايەۆ.

وسىلايشا، قالانىڭ ەسكى ورتالىعىنداعى الاڭ تارتىمدى جانە سەرۋەندەۋ ورىنىنىڭ بىرىنە اينالادى. بۇعان دەيىن قالالىق ۋربانيستيكا ورتالىعى حابارلاعانداي، الاڭ تاريحي ورتالىقتاعى بارلىق جاياۋ جۇرگىنشى كوشەلەرىن بايلانىستىرادى.

ەستەرىڭىزگە سالا كەتەيىك، بيىل «جاستار» سارايىنان باستاپ جاس كورەرمەننىڭ مۋزىكالىق تەاترىنا دەيىنگى «تەاترالنىي» جاياۋ جۇرگىنشىلەر جەلەكجولى، سونداي- اق ءازىربايجان مامبەتوۆ كوشەسىندەگى «Demalys Promenadە» جاياۋ جۇرگىنشىلەر جەلەكجولى تولىعىمەن اشىلدى. جۇمىستار ەلوردا اكىمىنىڭ تاپسىرماسى بويىنشا «نۇر- سۇلتان - جايلى قالا» ماستەر جوسپارى اياسىندا جۇرگىزىلىپ جاتىر.

ايتا كەتەيىك، 2020 -جىلى قالادا 150 دەن استام اۋلا مەن 60 قوعامدىق كەڭىستىك (ساياباق، سكۆەر، بۋلۆار) اباتتاندىرىلدى. بيىل 190 اۋلا مەن قوعامدىق كەڭىستىك سالىنادى جانە جوندەلەدى.


سوڭعى جاڭالىقتار