+7 (701) 759 90 19
7 °С : نۇر-سۇلتان
°С : الماتى
USD 423.91 EUR 497.37
RUB 5.82 CNY 65.59
جاڭالىقتار

«بولاشاق» تۇلەكتەرى قازاقستاندىق وقۋشىلارعا كومەكتەسپەك

15 قىركۇيەك 08:32
:ءبولىسۋ
«بولاشاق» تۇلەكتەرى قازاقستاندىق وقۋشىلارعا كومەكتەسپەك

نۇر- سۇلتان. قازاقپارات - «بولاشاق» باعدارلاماسىنىڭ 150 دەن استام تۇلەگى ءجۇز مىڭ وقۋشىعا ماماندىق تاڭداۋدا كومەكتەسەدى. بۇل تۋرالى قازاقپارات ب ع م سىلتەمە جاساپ حابارلايدى.

جوباعا 9-11-سىنىپ وقۋشىلارىنا ماماندىق تاڭداۋعا كومەكتەسۋگە نيەت بىلدىرگەن باعدارلاما تۇلەكتەرى قاتىسادى. سونداي- اق ولار ءوز بىلىمدەرى جانە داعدىلارىمەن بولىسەدى ءارى ءبىر جىل كولەمىندە وقۋشىلارعا تالىمگەر بولادى. جوبا 13-قىركۇيەكتە تۇركىستان وبلىسىندا باستالدى.

«بۇل جاي عانا تەست نەمەسە ساۋالناما تولتىرۋ ەمەس، بۇل ناعىز ماماندىق تاڭداۋعا كىرىسۋ: كەزدەسۋلەر، وقىتۋ جانە ءتۇسىندىرۋ سەمينارلارى، ماستەر- كلاستار جانە تالىمگەرلەردىڭ كەڭەستەرى. «بولاشاق» باعدارلاماسى شەڭبەرىندە 11 مىڭنان استام جوعارى بىلىكتى مامان دايارلاندى. بۇگىندە ولار ەكونوميكانىڭ باسىم سەكتورلارىندا جۇمىس ىستەيدى. البەتتە، ولاردىڭ اقىسىز ۇسىنىس بىلدىرگەنىمىزگە قولداۋ كورسەتكەندەرى قۋانتادى. وقۋشىلارمەن مۇنداي قارىم- قاتىناس جانە ءوزارا ءىس- قيمىل بالالاردىڭ ماماندىق تاڭداۋىنا وڭ اسەر ەتەدى دەپ ۇمىتتەنەمىز»، — دەدى «حالىقارالىق باعدارلامالار ورتالىعى» ا ق ۆيتسە- پرەزيدەنتى عاليا دوسمۇحامبەتوۆا.

مەنتور- باعدارلاما تۇلەكتەرىنىڭ قاتارىندا ينجەنەرلىك- تەحنيكالىق، مەديتسينالىق، گۋمانيتارلىق جانە جاراتىلىستانۋ عىلىمدارىنىڭ دوكتورلارى بار.

«كولۋمبيا ۋنيۆەرسيتەتىندە وقىپ جۇرگەن كەزىمدە مەن كوپتەگەن ەرىكتىلەردىڭ جوبالارىنا قاتىستىم. بۇل جوبالار ماعان دا، مەن جاردەم كورسەتكەن ادامدارعا دا جاقسى تاجىريبە الۋعا كومەكتەستى. ادەتتە، جوباعا قاتىسۋشىلار قوعامنىڭ دامۋىنا، ءبىلىم بەرۋ ساپاسىن جاقسارتۋعا جانە بولاشاق ۇرپاقتىڭ ءومىر ءسۇرۋ دەڭگەيىن ارتتىرۋعا قوسقان ۇلەستەرىن ماقتان تۇتا الادى. مۇنداي جۇمىستىڭ ناتيجەلەرىن بىرنەشە جىلدان كەيىن كورۋگە بولادى. ماسەلەن، مەن ءوز ستۋدەنتتەرىمنىڭ كاسىبي سالاداعى جەتىستىكتەرىن كورىپ وتىرمىن. وسىنداي تاجىريبەنى مەن قازاقستاندىقتاردىڭ جاس بۋىنىنىڭ دامۋىنا دا ەنگىزگىم كەلەدى»، — دەپ اتاپ ءوتتى قازاقستان قارجىگەرلەر قاۋىمداستىعى جانىنداعى جەتەكشى اناليتيك، «بولاشاق» ستيپەنديالىق باعدارلاماسىنىڭ تۇلەگى رامازان دوسوۆ.

بۇل جوباعا تالىمگەرلەر تەگىن قاتىسادى. وسىلايشا، «بولاشاق» باعدارلاماسىنىڭ 150 دەن استام تۇلەگى مەنتورلىق بويىنشا ەرىكتى اتاندى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات