+7 (701) 759 90 19
7 °С : نۇر-سۇلتان
°С : الماتى
USD 425.3 EUR 501.05
RUB 5.85 CNY 65.88
جاڭالىقتار

اۋعانستاننان ەۆاكۋاتسيالانعان قانداستار بەس وبلىستىڭ ءبىرىن تاڭداي الادى

14 قىركۇيەك 22:42
:ءبولىسۋ
اۋعانستاننان ەۆاكۋاتسيالانعان قانداستار بەس وبلىستىڭ ءبىرىن تاڭداي الادى

نۇر-سۇلتان. قازاقپارات - وتكەن اپتادا اۋعانستاننان ەۆاكۋاتسيالانعان 35 قازاق بەس وبلىستىڭ بىرىندە قونىستانا الادى.

بۇلار: پاۆلودار، قوستاناي، اقمولا، شىعىس قازاقستان جانە سولتۇستىك قازاقستان وبلىستارى.

بۇل تۋرالى Informburo سايتى جازدى.

اقپاراتقا قاراعاندا، اۋعانستاننان كەلگەن ءاربىر وتباسىنا 204 مىڭ تەڭگەدەن بەرىلەدى. بۇعان قوسا، ءبىر جىل بويى اي سايىن باسپانا جالداۋعا 87 مىڭ 500 تەڭگە قارجىلاي كومەك كورسەتىلەدى.

الماتى قالاسى الەۋمەتتىك ءال-اۋقات باسقارماسى باسشىسىنىڭ ورىنباسارى دانيار الكەباي ۇلىنىڭ ايتۋىنشا، جوعارىدا اتالعان جەڭىلدىكتەر اۋعانستان قازاقتارى اتالعان وبلىستارعا قونىستانسا عانا بەرىلەدى.

بۇعان دەيىن ولاردىڭ الماتىداعى قوناق ۇيلەردىڭ بىرىنە ورنالاسقانى حابارلانعان ەدى. ولار مۇندا 24- قىركۇيەككە دەيىن بولادى. سوعان دەيىن ولار قاي وڭىرگە بارىپ قونىستاناتىنىن شەشۋى ءتيىس.

بيلىك ديپلومى بارلارىنا ماماندىعى بويىنشا جۇمىسقا تۇرۋىنا كومەكتەسەتىنىن، ءبىلىمى جوقتاردى ارنايى كۋرستا وقىتۋدى جوسپارلاپ وتىرعانىن ايتادى.

«بارلىق تۇسىندىرمە جۇمىستارى جۇرگىزىلدى. قازىر مينيسترلىك تاراپىنان قاي جەرگە ول كىسىلەردى تۇراقتاندىراتىنى تۋرالى جۇمىس جۇرگىزىلىپ جاتىر» دەدى دانيار الكەباي ۇلى.

9- قىركۇيەكتە قازاقستان بيلىگى اۋعانستاننان 35 قازاقتى اتامەكەنىنە ۇشاقپەن جەتكىزگەنىن حابارلاعان.

تالىپتەر باسىپ العان اۋعانستاندا ءالى جۇزدەگەن قازاق قالعان. ولار قازاقستانعا كوشكىسى كەلەتىنىن ايتىپ، نۇر-سۇلتاننان جاردەم سۇراپ كەلەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات