ارالدىڭ تابانىنداعى قۇم كوشىن توقتاتۋ ءۇشىن وزبەكستان تاجىريبەسى ەنگىزىلمەك
بۇل تۋرالى قىزىلوردا وبلىسىنىڭ اكىمى گۇلشارا ءابدىقالىقوۆا وزبەكستان رەسپۋبليكاسى مەملەكەتتىك ورمان شارۋاشىلىعى كوميتەتىنىڭ ءتوراعاسى نيزوميدين باكيروۆ باستاعان دەلەگات وكىلدەرىمەن بولعان كەڭەستە ايتتى.
ارال تەڭىزىنىڭ جاعدايى جانە وڭىردەگى ەكولوگيا ماسەلەسى كوزعالعان جيىندا الداعى ۋاقىتقا ارنالعان جوسپار ءسوز ەتىلدى. وبلىس اكىمى تەڭىز تابانىنداعى قۇمنىڭ كوشۋىن توقتاتۋ ماقساتىندا «جاسىل بەلدەۋدى» دامىتۋ قولعا الىنعانىن جەتكىزدى.
بۇگىندە پرەزيدەنت تاپسىرماسى اياسىندا 5 جىلدىڭ ىشىندە تەڭىز ۇلتانىنىڭ 1,1 ميلليون گەكتار جەرىنە سەكسەۋىل وتىرعىزۋدى جوسپارلاپ وتىرمىز. بۇل رەتتە وزبەكستان رەسپۋبليكاسىنىڭ تاجىريبەسىن پايدالانۋىمىز قاجەت، - دەدى گۇلشارا ءابدىحالىقوۆا.
وبلىس اكىمى باسپا ءسوز قىزمەتىنىڭ مالىمەتىنشە، وزبەكستاننىڭ ارال تەڭىزى ۇلتانىن كوگالداندىرۋدا تاجىريبەسى مول. ياعني وزبەكتەر سەكسەۋىلدىڭ تۇقىمىن الىپ، قىستا ونى ەگىپ، ال كوكتەمدە وتىرعىزۋ جۇمىسىن جولعا قويعان.