جالعان قۇجاتپەن سۋبسيديا العاندار ۇستالدى

نۇر-سۇلتان. قازاقپارات - پاۆلوداردا 216 ميلليون تەڭگە مەملەكەتتىك سۋبسيديانى جىمقىرعان ازاماتتار انىقتالدى.

قارجى مونيتورينگى اگەنتتىگىنىڭ حابارلاۋىنشا، بەلگىلى ءبىر توپ «سىباعا» باعدارلاماسى اياسىندا بولىنگەن قاراجاتتى ۇرلاعان.

ولار ارنايى سحەمامەن جۇمىس ىستەگەن. ماسەلەن، پاۆلودار تۇرعىنى رەسەيدە ءىرى قارا مال ساتىپ الىپ، قۇجاتتاردا ولاردى «گەرەفورد»، «سيممەنتال» دەگەن اسىل تۇقىمدار رەتىندە كورسەتكەن.

سۋبسيديا الۋعا ارنالعان وتىنىمدەردە ءىرى قارا مال تۋرالى جالعان مالىمەتتەر جازىپ، كەلىسىمشارتتاردى قولدان جاساعان.

كەيىن 100 مىڭنان 6 ميلليون تەڭگەگە دەيىنگى اقشالاي سىياقى ءۇشىن پاۆلودار قالاسىنىڭ تۇرعىنى باسقا كاسىپورىندارعا مەملەكەتتىك سۋبسيديالاردى زاڭسىز الۋعا جاردەمدەسكەن.

بۇگىندە توپ ۇيىمداستىرۋشىسى مەن قاتىسۋشىلارى ءتۇرلى مەرزىمگە سوتتالدى.