فۋتبولدان چەمپيوندار ليگاسى: بۇگىن توپتىق كەزەڭ باستالادى
العاشقى تۋر ويىندارى ەكى كۇنگە بەلگىلەنگەن. بۇگىن، 14- قىركۇيەكتە E ، F، G، H توپتارىندا ويىندار وتكىزىلەدى.
جانكۇيەرلەر E توبىنداعى «بارسەلونا» (يسپانيا) مەن «باۆاريا» (گەرمانيا) كەزدەسۋىن اسىعا كۇتۋدە.
ويىن ەلوردا ۋاقىتىمەن 00:50 دە باستالىپ، «Qazsport» تەلەارناسىنان تىكەلەي ەفيردە كورسەتىلەدى.
بۇل توپتا تاعى ءبىر ويىندا «دينامو كيەۆ» (ۋكراينا) مەن «بەنفيكا» (پورتۋگاليا) شەبەرلىك بايقاسادى. سونداي-اق، قازاقستاندىق جانكۇيەرلەر بۇگىن H توبىنداعى «Qazaqstan» تەلەارناسىنان «چەلسي» (انگليا) مەن «زەنيت» (رەسەي) كەزدەسۋىن تاماشالاي الادى.
اتالعان توپتاعى تاعى ءبىر ويىندا «مالمە» (شۆەتسيا) مەن «يۋۆەنتۋس» (يتاليا) جاسىل الاڭعا شىعادى.
بۇگىن F توبىندا «يانگ بويز» (شۆەيتساريا) بەن «مانچەستەر يۋنايتەد» (انگليا)، «ۆيلررەال» (يسپانيا) مەن «اتالانتا» (يتاليا) كەزدەسسە، G توبىندا «سيەۆيليا» (يسپانيا) مەن «رەد بۋلل» (اۆستريا)، «ليلل» (فرانسيا) مەن «ۆولفسبۋرگ» (گەرمانيا) باسەكەلەسەدى.
ال 15 - قىركۇيەكتە A ، B ، C ، D توپتارىنداعى كوماندالار العاشقى تۋر ويىندارىن وتكىزەدى.