اتىراۋلىق بالۋان الەم كۋبوگىنىڭ يەگەرى اتاندى

اتىراۋ. قازاقپارات - اتىراۋلىق بالۋان الەم كۋبوگىندا قارسىلاستارىن ۇتىپ، جەڭىمپاز اتاندى، دەپ حابارلايدى قازاقپارات.

وبلىستىق سپورت جانە دەنە شىنىقتىرۋ باسقارماسىنىڭ باسپا ءسوز قىزمەتىنەن ءمالىم ەتكەندەي، رۋمىنيانىڭ كونستانسا قالاسىندا قازاق كۇرەسىنەن الەم كۋبوگى وتكەن.

«الەم كۋبوگى ءۇشىن دودادا بالۋان ناۋرىزبەك مايلاشيەۆ 74 كەلى سالماقتا باق سىنادى. ول الدىمەن مولدوۆا جانە رۋمىنيا سپورتشىلارىن ۇتتى. جارتىلاي فينالدا قازاقستاندىق بالۋاننان باسىم ءتۇستى. ال، اقتىق سىندا رۋمىنيا بالۋانىن قاپى قالدىرىپ، الەم كۋبوگىنىڭ يەگەرى اتاندى» - دەپ حابارلادى باسقارمانىڭ باسپا ءسوز قىزمەتى.

ناۋرىزبەك مايلاشيەۆ الەم كۋبوگىندەگى جەڭىسى ارقىلى «حالىقارالىق دارەجەدەگى سپورت شەبەرى» نورماسىن ورىندادى.

ەسكە سالا كەتەلىك، بۇعان دەيىن اتىراۋلىق دزيۋدوشى ەۋروپا كۋبوگىندا جەڭىمپاز اتانعانىن حابارلاعان بولاتىنبىز.