21:58, 13 - قىركۇيەك 2021 | GMT +6
كوكشەتاۋدا اتىس بولدى
كوكشەتاۋ. قازاقپارات - كوكشەتاۋدا اتىس بولدى، پوليتسيا وقيعانىڭ ءمان-جايىن انىقتاۋدا، دەپ حابارلايدى قازاقپارات ءتىلشىسى.
وقيعا تۋرالى اقپارات الەۋمەتتىك جەلىدە تارادى.
«پۋشكين كوشەسىنىڭ اباي جانە اۋەلبەكوۆ كوشەلەرى ارالىعى، ياعني The Beze، «مياسورۋبكا» ءدامحاناسى تۇسى قورشالعان. وقيعا ورنىندا پوليتسيا جۇمىس ىستەپ جاتىر. كۋاگەرلەردىڭ ايتۋىنشا، اتىس بولعان»، - دەلىنگەن جازبادا.
وسى وقيعا بويىنشا قازاقپارات ءتىلشىسى وبلىستىق پوليتسيا دەپارتامەنتىنەن سۇراپ ءبىلدى.
«قازىرگى كەزدە، وقيعا ورنىندا پوليتسيا قىزمەتكەرلەرى جۇمىس ىستەۋدە. جەدەل-تەرگەۋ شارالارى جۇرگىزىلىپ، ءمان-جاي انىقتالۋدا»، - دەپ جاۋاپ بەردى قازاقپارات ءتىلشىسىنىڭ ساۋالىنا دەپارتامەنتتەن.