+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

سامۋرايلاردىڭ قورعانىسىن تاس- تالقان ەتكەن ىكەي باتىر تۋرالى نە بىلەمىز؟ - شەتەلدەگى قازاق ءتىلدى ب ا ق- قا شولۋ

11 قىركۇيەك 14:59
:ءبولىسۋ
سامۋرايلاردىڭ قورعانىسىن تاس- تالقان ەتكەن ىكەي باتىر تۋرالى نە بىلەمىز؟ - شەتەلدەگى قازاق ءتىلدى ب ا ق- قا شولۋ

نۇر- سۇلتان. قازاقپارات - «قازاقپارات» ح ا ا ادەتتەگىدەي شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

سامۋرايلاردىڭ قورعانىسىن تاس- تالقان ەتكەن ىكەي باتىر تۋرالى نە بىلەمىز؟ - Kaznews

ساياحاتشى ح. ەنحتايۆان الەۋمەتتىك جەلىسىندە ىكەي باتىر ءمازىم ۇلى تۋرالى قىزىقتى جازبا جاريالاپ، قازاقتىڭ قايسار ۇلى تۋرالى مالىمەتپەن ءبولىسىپ، جاستارعا باتىر تۋرالى كەڭىرەك وقۋعا شاقىردى، - دەپ حابارلايدى Kaznews اقپاراتتىق پورتالى.

«بايان- ولگەي ايماعىنا ساياحاتتاپ بارعان جاستاردىڭ ءبارى وسىناۋ كەرەمەت ەسكەرتكىشتىڭ جانىندا تۇرىپ سۋرەتكە ءتۇسىپ جاتقانى بايقالادى.

«كىمنىڭ بالاسى، نە ءۇشىن وسىلاي ماڭگىلىك ەستەلىككە اينالعان…» دەگەن وي كەيبىرەۋلەردى مازالايتىنى ءسوزسىز. بۇل موڭعول حالىق رەسپۋبليكاسىنىڭ باتىرى، قازاق حالقىنىڭ قايسار ۇلى ىكەي ءمازىم ۇلىنىڭ ەسكەرتكىشى»، دەپ جازادى موڭعوليالىق ب ا ق.

ايتا كەتەيىك، 1939 -جىلى جاپونيا ميليتاريستەرى موڭعوليا جەرىنە حالحين عول بويىندا باسىپ كىرگەندە ىكەي ءمازىم ۇلى سوعىسقا ل. داندار باسقارعان 6-اتتى اسكەر ديۆيزياسىنىڭ 15-پولك كومانديرى رەتىندە قاتىسادى. 1939 -جىلى 24- شىلدەدە ىكەي ءمازىم ۇلى جاۋدىڭ قورعانىس شەبىن بۇزىپ كىرۋ بۇيرىعىن الادى. روتاسىن باستاپ، سامۋرايلاردىڭ شەبىن بۇزىپ، قورعانىسىن تاس- تالقان ەتىپ، زەڭبىرەكتىڭ ءدوپ تيگەن وعىنان جارالانىپ، سوڭعى دەمى شىققانشا شابۋىلداپ، وتان ءۇشىن ەرلىكپەن قازا تاپقان قازاقتان شىققان قاس باتىردىڭ ءبىرى.

Kaznews اقپاراتتىق پورتالىنىڭ كەلتىرگەن دەرەگىنە سۇيەنسەك، ءمازىم ۇلى ىكەيگە 1979 -جىلى حالحين گول سوعىسىنىڭ 40 جىلدىق داتالى مەرەكەسىندە «موڭعول حالىق رەسپۋبليكاسىنىڭ باتىرى» اتاعى بەرىلگەن.

«حالحين گول سوعىسىنىڭ اڭىزى ل. داندار باتىر جازۋشى س. داشدووروۆقا بەرگەن سۇحباتىندا: «مەنى باتىر دەيسىڭدەر. ءبىراق ناعىز باتىر - ءمازىمنىڭ ىكەيى ەدى. سوعىس اياقتالعانعا دەيىن مەن ىكەيدەي باتىرعا كەزدەسكەن ەمەسپىن. ول سوڭعى ءبىر تامشى قانى بىتكەنشە روتاسىن باستاپ مايداندا ەرلىك كورسەتتى…» دەگەن. كەيىن حالحين گول سوعىسىنىڭ داتالى مەرەكەسىندە داندار باتىر سوعىس بولعان جەرگە بارىپ ىكەي باتىردىڭ جۇرەك شىمىرلاتار تاعدىرىن ەسكە الىپ، توقتاماي جىلاعان دەسەدى»، دەپ جازادى Kaznews اقپاراتتىق پورتالى ىكەي باتىر تۋرالى جازباسىندا.

«ءبىر بەلدەۋ - ءبىر جول» ادەبيەت وداعى قۇرىلدى - «جەنمين جيباو» (People Daily)

7- قىركۇيەك كۇنى بەيجىڭدە قىتاي جازۋشىلار قاۋىمداستىعىنىڭ باستاۋىمەن «ءبىر بەلدەۋ - ءبىر جول» ادەبيەت وداعى قۇرىلدى. دۇنيەنىڭ ءار جەرىنەن كەلگەن قاۋىمداستىق مۇشەلەرى قۇرىلۋ سالتاناتىنا قاتىستى، دەپ حابارلايدى People Daily .

«اتالمىش وداقتىڭ قۇرىلۋىنداعى ماقسات - ادەبيەت الماسۋىن نىعايتۋعا، جازۋشىلار اراسىنداعى دوستىقتى بەكەمدەۋگە، كورنەكتى ادەبي شىعارمالاردى اۋدارۋ جانە تاراتۋعا جاردەمدەسۋ، وركەنيەتتەردىڭ الماسۋى مەن ءوزارا ۇيرەنۋگە قولايلىلىق ورنىقتىرۋ. سول ارقىلى حالىقتار اراسىنداعى اۋىس- ءتۇيىستى نىعايتۋعا باعىتتالادى»، دەپ جازدى قىتايلىق ب ا ق.

«جەنمين جيباو» - دىڭ كەلتىرگەن دەرەگىنە سۇيەنسەك، «ءبىر بەلدەۋ - ءبىر جول» ادەبيەت وداعى كوپتەگەن ەلدەردىڭ ادەبي قاۋىمدىستىقتارى مەن جازۋشىلارىنىڭ قولداۋىنا يە بولعان. قىتاي جازۋشىلار قاۋىمداستىعىنان باسقا، قازاقستان، ب ا ءا، پاكىستان، پالەستينا، فيليپپين، كورەيا سىندى 35 مەملەكەتتەگى 30 قوعام دا ىقپالدى ادەبي توپتار، 19 ادەبيەتشىلەر مەن اۋدارماشىلار وداعىنىڭ نەگىزىن قالاۋشى رەتىندە بىرىكتى.

ايتا كەتەيىك، وداقتىڭ حاتشىلىعى قىتاي جازۋشىلار قاۋىمداستىعىندا ورنالاسقان. سول كۇنى «ءبىر بەلدەۋ - ءبىر جول» ادەبيەت وداعىنىڭ رەسمي سايتى اشىلعان.

توقايەۆ: الەمدىك قاۋىمداستىق اۋعانستاندى جالعىز قالدىرماۋى ءتيىس - Parstoday

يراندىق Parstoday اقپاراتتىق پورتالىندا وسىنداي تاقىرىپتاعى اقپارات جارىق كوردى. قازاقستان پرەزيدەنتى الەمدىك قاۋىمداستىقتىڭ وسىنداي قىسىلتاياڭ شاقتا اۋعانستاندى جالعىز قالدىرمايتىنىنا ءۇمىت ءبىلدىردى، دەپ حابارلايدى اتالعان ب ا ق.

Parstoday اقپارات اگەنتتىگىنىڭ حابارلاۋىنشا، قاسىم- جومارت توقايەۆ بۇل سوزدەرىن نۇر- سۇلتانداعى شەت ەلدەردىڭ ءبىرقاتار جاڭا ەلشىسىنىڭ سەنىم گراموتالارىن قابىلداۋ راسىمىندە ايتقان.

«قازاقستان- وزبەكستان: تاۋەلسىزدىك داستانى» اتتى كونفەرەنسيا ءوتتى - «ءو ز ا»


قازاقستان رەسپۋبليكاسىنىڭ وزبەكستانداعى ەلشىلىگى جانە تۇركىستان وبلىستىق مادەنيەت باسقارماسىنىڭ قولداۋىمەن ا. س. پۋشكين اتىنداعى تۇركىستان وبلىستىق عىلىمي كىتاپحاناسى جانە ءا. ناۋاي اتىنداعى وزبەكستان ۇلتتىق كىتاپحاناسى وكىلدەرىنىڭ قاتىسۋىندا «قازاقستان- وزبەكستان: تاۋەلسىزدىك داستانى» اتتى حالىقارالىق ونلايندى كونفەرەنسياسى ءوتتى، دەپ حابارلادى «ءوزا» مەملەكەتتىك اقپارات اگەنتتىگى.

ەكى ەلدەگى بەدەلدى كىتاپحانا وكىلدەرى مەن زيالى قاۋىم، مۇعالىم، عالىمدار مەن ءبىر توپ ب ا ق وكىلدەرى قاتىسقان ايتۋلى كونفەرەنسيادا، تاۋەلسىزدىك جىلدارى قول جەتكىزىلگەن جەتىستىكتەر مەن بىرگە ەگەمەندىك جولىندا ارمان- ماقساتتاردىڭ ورىندالعانى جايلى ءسوز ايتىلدى.

وزبەكستاندىق ب ا ق- تىڭ دەرەگىنشە، كونفەرەنسيادا ەكى باۋىرلاس حالىقتىڭ اراسىنداعى دوستىق، تاۋەلسىزدىك جىلدارىنداعى ىنتىماقتاستىق ماسەلەلەرى تالقىلاندى. اتاپ ايتقاندا، تاۋەلسىزدىك جىلدارىندا قازاقستاننىڭ وزىندىك بەينەسى، ەرەكشەلىكتەرى مەن مارتەبەسى بار تابىستى ەلگە اينالعانى ايتىلعان. ورتالىق ازياداعى وزبەكستان مەن قازاقستاننىڭ بەدەلى، ايماقتاعى الەۋەتى جانە تاتۋ كورشىلىك ىنتىماقتاستىعى تۋرالى بايانداما وقىلدى.

ايتا كەتەيىك، كونفەرەنسيانىڭ ءوتۋ بارىسى فەيسبۋك الەۋمەتتىك جەلىسى ارقىلى تىكەلەي ەفيردە كورسەتىلدى.

اۆتور: بەيسەن سۇلتان


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات