22:30, 10 - قىركۇيەك 2021 | GMT +6
جاڭا قاۋلى: نۇر-سۇلتاندا اۆتوبۋستار جەكسەنبىدە دە قاتىنايتىن بولدى
نۇر-سۇلتان. قازاقپارات - نۇر-سۇلتان قالاسى باس سانيتار دارىگەرىنىڭ جاڭا قاۋلىسى بويىنشا الداعى جەكسەنبىدەن باستاپ قوعامدىق كولىكتىڭ دەمالىس كۇندەرىندە دە قاتىناۋىنا رۇقسات بەرىلدى، دەپ حابارلايدى قازاقپارات ءتىلشىسى.
«12- قىركۇيەكتەن باستاپ جەكسەنبى كۇندەرى قالالىق قوعامدىق كولىكتىڭ جۇمىسىنا رۇقسات ەتىلسىن»، - دەپ جازىلعان قۇجاتتا.
سونداي-اق، قالالىق قوعامدىق كولىكتىڭ جۇمىسىن شتاتتىق رەجيمدە ۇيىمداستىرۋ مىندەتتەلىپ وتىر. ال حالىق ەڭ كوپ قاتىنايتىن قاربالاس كەزدەردە («پيك» ساعاتتاردا) اۆتوبۋس سانىن كوبەيتۋ تاپسىرىلدى.
«سوڭعى ايالدامادا سالوندى دەزينفەكسيالاۋ قۇرالدارىمەن وڭدەۋ، بارلىق ەسىكتەردى اشۋ، جولاۋشىلارعا قولجەتىمدى ورىنداردا انتيسەپتيگى بار سانيتايزەرلەر ورناتۋ، الەۋمەتتىك قاشىقتىقتى مىندەتتى تۇردە ساقتاۋ جانە جولاۋشىلار مەن جۇرگىزۋشىلەردىڭ بەتپەردە كيۋى شارت»، - دەلىنگەن جاڭا قاۋلىدا.