+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

كوكشەتاۋدا جاس اقىندار ايتىسى ءوتتى

10 قىركۇيەك 10:46
:ءبولىسۋ
كوكشەتاۋدا جاس اقىندار ايتىسى ءوتتى

كوكشەتاۋ. قازاقپارات - كوكشەتاۋدا قازاقستان حالقى تىلدەرىنىڭ ونكۇندىگى اياسىندا ەل تاۋەلسىزدىگىنىڭ 30 جىلدىعىنا ارنالعان «ءتىل مارتەبەسى - ەل مارتەبەسى» تاقىرىبىمەن جاس اقىندار اراسىندا ايتىس ءوتتى، دەپ حابارلايدى قازاقپارات ءتىلشىسى وبلىستىق ىشكى ساياسات باسقارماسىنا سىلتەمە جاساپ.

«دوستار» مادەنيەت سارايىندا ۇيىمداستىرىلعان ايتىستىڭ ماقساتى - قازاق حالىق اۋىز ونەرىن دامىتۋ، جاس اقىنداردىڭ شىعارماشىلىق باستامالارىن قولداۋ، جالپىادامزاتتىق قۇندىلىقتاردى دارىپتەۋ. جىر دوداسىندا اقىندار ەلىمىزدىڭ ەگەمەندىك جىلدارىنداعى جەتىستىكتەرى مەن تابىستارىن، ساياسي تۇراقتىلىقتى، دوستىقتى، قازاقستان حالقىنىڭ بىرلىگى مەن كەلىسىمىن جىرلادى.

ايتىسقا اقىن ارمان بەردالين، كوكشەتاۋ قالالىق اقپاراتتىق- كىتاپحانا جۇيەسىنىڭ جەتەكشىسى، اقىن قۋانىش وسپان، «كوكشەتاۋ» گازەتىنىڭ باس رەداكتورى، اقىن، جازۋشى سەرىك جەتپىسقاليەۆ قازىلىق ەتتى. قازىلار القاسىنىڭ شەشىمىمەن باس جۇلدەنى كوكشەتاۋلىق جاس اقىن نۇرماحان جاقىپبەك جەڭىپ الدى.

«جىر سايىسىنا قاتىسىپ، جەڭىمپاز اتانعانىما قۋانىشتىمىن. ايتىسكەرلەردىڭ ءارقايسىسى شەبەرلىك پەن يمپروۆيزاتسيانىڭ جوعارى دەڭگەيىن كورسەتتى. شارانى ۇيىمداستىرۋشىلارعا العىسىمدى بىلدىرگىم كەلەدى»، - دەدى نۇرماحان جاقىپبەك.

جەڭىمپازدار مەن جۇلدەگەرلەر ديپلوم، العىس حات جانە باعالى سىيلىقپەن ماراپاتتالدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات