12:05, 09 - قىركۇيەك 2021 | GMT +6
عالىمدار كريشتيانۋ رونالدۋ ۇزدىك ەكەنىن ماتەماتيكالىق جولمەن ءتۇسىندىردى
الماتى. قازاقپارات - وكسفورد ماتەماتيگى توم كروۋفورد تاريحتاعى ەڭ ۇزدىك فۋتبولشىنى ەسەپتەۋ فورمۋلاسىن جاسادى، - دەپ حابارلايدى Vesti.kz باسىلىمى.
Daily Mail مالىمەتىنشە، عالىم ۇلتتىق جانە حالىقارالىق جۇلدەلەردى، كلۋبتار مەن قۇرامالار ەسەبىنە سوعىلعان گولداردى، الەمدەگى ەڭ جاقسى ويىنشى نوميناتسياسىندا داۋىس بەرگەندەردىڭ جالپى سانىنىڭ پايىزىن، سونداي-اق جەكە جازبالاردى ەسكەرە وتىرىپ، كەم دەگەندە ەكى رەت «التىن دوپ» جۇلدەسىن جەڭىپ العان ويىنشىلاردى قاراپ شىققان.
كروۋفورد زەرتتەۋلەرى بويىنشا ۇزدىك فۋتبولشى - «مانچەستەر يۋنايتەد» شابۋىلشىسى كريشتيانۋ رونالدۋ. ول 537 ۇپاي جيناعان.
ماتەماتيك رەيتينگىندە 503 ۇپاي جيناعان پ س ج شابۋىلشىسى ليونەل مەسسي ەكىنشى ورىندى يەلەنگەن. پەلە 459 ۇپايمەن ءۇشىنشى ورىندا.
رونالدۋ - «التىن دوپتىڭ» بەس دۇركىن جانە چەمپيوندار ليگاسىنىڭ بەس دۇركىن جەڭىمپازى. سونداي- اق، پورتۋگالدىق ۇلتتىق قۇراما ساپىندا الەمدىك رەكوردتى جاڭارتقان.