+7 (701) 759 90 19
USD 425.77 EUR 494.28
RUB 5.95 CNY 66.14
جاڭالىقتار

تالعان نۇرعوجين: دارىگەر - جاي عانا ماماندىق ەمەس

9 قىركۇيەك 11:35
:ءبولىسۋ
تالعان نۇرعوجين: دارىگەر - جاي عانا ماماندىق ەمەس

الماتى. قازاقپارات – ق ر پرەزيدەنتى قاسىم-جومارت توقايەۆتىڭ جولداۋىندا دەنساۋلىق ساقتاۋ جانە ءبىلىم بەرۋ سالاسى بويىنشا مىندەتتەر ناقتى جانە دەر كەزىندە ايقىندالدى.

مۇنداي پىكىردى س. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىنىڭ رەكتورى تالعات نۇرعوجين ءبىلدىردى، دەپ حابارلايدى قازاقپارات ءتىلشىسى.

ونىڭ ايتۋىنشا، مەملەكەت باسشىسىنىڭ ءار ءسوزىن قازاقستاندىقتار زور ىقىلاسپەن تىڭدادى. جولداۋدا دەنساۋلىق ساقتاۋ جانە ءبىلىم بەرۋ سالاسىنداعى مىندەتتەر ناقتى جانە دەر كەزىندە ايقىندالدى.

«مەملەكەت باسشىسىنىڭ جولداۋى وتە اۋقىمدى، ءاربىر قازاقستاندىقتىڭ ءىس جۇزىندە ومىرىمەن، مۇقتاجدىعىمەن، قامقورلىعىمەن جانە ۇمتىلىسىمەن ۇشتاستىرىلدى. مەملەكەت باسشىسى ەكونوميكانى دامىتۋ، كاسىبي مامانداردى دايارلاۋ، مەديتسينالىق قىزمەتتىڭ ساپاسىن جاقسارتۋ جانە باسقا دا كوپتەگەن باعىت بويىنشا ناقتى مىندەتتەردى العا تارتتى. قازىر بۇكىل الەم - كوروناۆيرۋس ىندەتىنە قارسى بىرىكتى. بۇل ماسەلەنى ەڭ جوعارى دەڭگەيدە پرەزيدەنتتىڭ ءوزى ءبىرىنشى كەزەككە قويعانى، ارينە قۋانتارلىق جايت. پاندەميانىڭ ءبىر جارىم جىلى ىشىندە ىندەت 10 مىڭعا جۋىق قازاقستاندىقتىڭ ءومىرىن قيدى. ولاردىڭ اراسىندا دارىگەرلەر، مەدبيكەلەر، باسقا دا مەديتسينا سالاسىنىڭ قىزمەتكەرلەرى بار. بۇل ىندەتتەن قۇتىلۋدىڭ ەڭ دۇرىس جولى - ۆاكسينا الۋ. قاسىم- جومارت توقايەۆ ءوز جولداۋىندا كوروناۆيرۋسقا قارسى ەكپە الۋدىڭ، ۆاكسيناتسيادان باس تارتىپ قانا قويماي، حالىقتى كەرى ۇگىتتەۋشىلەرمەن كۇرەسۋدىڭ ماڭىزدىلىعىن اتاپ ءوتتى. بۇل قاۋىپتى جاڭا شتامداردىڭ پايدا بولۋىنا اكەلۋى مۇمكىن، دەيدى پرەزيدەنت. ءبىز ۆيرۋستىڭ تارالۋىنا جول بەرمەۋىمىز كەرەك»، - دەدى قاز ۇ م ۋ رەكتورى تالعات نۇرعوجين.

بيىلعى پرەزيدەنت جولداۋىنداعى تاعى ءبىر ماڭىزدى جاڭالىق وقىتۋشىلاردى قولداۋ ءۇشىن 1, 2 تريلليون تەڭگە كولەمىندە قوسىمشا قاراجات بولۋگە قاتىستى بولدى، بۇل ءبىلىم ساپاسىن جاقسارتۋ مەن وقىتۋشى مارتەبەسىن كوتەرۋگە وڭ اسەرىن تيگىزەرى انىق.

«ءدال قازىر مەديتسينالىق ءبىلىم بەرۋ وتە ماڭىزدى، ويتكەنى بۇگىندە دارىگەر - جاي عانا ماماندىق ەمەس، كاسىپ. مامانداردىڭ باسقا سالالارعا كەتۋىنە جول بەرمەۋ ءۇشىن مەملەكەتتىك قولداۋ قاجەت. مەن دارىگەرلەردىڭ ەڭبەكاقىسى، سىياقىسى جانە باسقا دا ىنتالاندىرۋ شارالارىنىڭ ءوسىپ جاتقانىنا وتە قۋانىشتىمىن. الداعى ۋاقىتتا پرەزيدەنتتىڭ تاپسىرماسى بويىنشا وقىتۋشىلاردىڭ ەڭبەكاقىسى وسەتىن بولادى»، - دەيدى سپيكەر.

سونىمەن قاتار، ول ءبىلىم بەرۋ جۇيەسىندەگى وزگەرىستەرگە دە توقتالدى.

«ءبىلىم بەرۋ جۇيەسىندە وزگەرىستەر تەك قوعامنىڭ ءوزى ولاردى جۇزەگە اسىرۋدى قولعا العان كەزدە عانا بولاتىنى حاق. بۇل جەردە ءدال جوعارى مەكتەپ قوعامدىق پىكىر مەن مەملەكەتىمىزدىڭ بولاشاعى قالىپتاساتىن ورىن. سوندىقتان جاڭاشىلدىققا ۇمتىلا وتىرىپ، داستۇرلەردى ساقتاۋ وتە ماڭىزدى. ەڭبەكاقىنى كوتەرۋ ءبىلىم بەرۋ جۇيەسىنەن ءدال بۇگىن كۇتەتىن ناتيجەنى كورسەتپەيدى. ءبىلىم بەرۋ ساپاسىن كوتەرۋ تەك وقۋشىلار دا، وقىتۋشىلار دا ىنتالاندىرىلعان جاعدايدا عانا ورىن الماق. سوندىقتان نەگىزگى مىندەت بارلىعىنىڭ مۇددەلەرىن ورايلاستىرۋ»، - دەيدى رەكتور.

سپيكەر مەملەكەت باسشىسىنىڭ جولداۋىنداعى مىندەتتەر بولاشاققا باعدار جانە ناقتى قادام ەكەنىن اتاپ ءوتتى.

«جىلدامدىقپەن دامىپ كەلە جاتقان مەديتسينا دارىگەرلەردى دايارلاۋ ساپاسىن كۇشەيتۋدى تالاپ ەتەدى. جوعارى مەديتسينالىق ءبىلىم بەرۋ جۇيەسى مەديتسينا جانە فارماتسيەۆتيكا كادرلارىن دايارلاۋدا ساپالى سەرپىلىستى قامتاماسىز ەتۋى ءتيىس - بۇل قاز ۇ م ۋ پروفەسسور- وقىتۋشىلار قۇرامىنىڭ جاڭا وقۋ جىلىنداعى ماڭىزدى ميسسياسى بولماق. سونىمەن قاتار، پرەزيدەنت جولداۋىندا دەنساۋلىق ساقتاۋ جانە الەۋمەتتىك قىزمەت كورسەتۋ سالاسىن ودان ءارى دامىتۋدىڭ باسىمدىقتارى ناقتى بەلگىلەنگەن. ول اۋرۋحانالار مەن الەۋمەتتىك مەكەمەلەردە كورسەتىلەتىن قىزمەتتەردىڭ ساپاسىنا تىكەلەي بايلانىستى بولاتىن لايىقتى ەڭبەكاقى تاعايىنداۋدى كوزدەۋ. ءاربىر دارىگەر مەن مەديتسينا قىزمەتكەرى ءوز ەڭبەكاقىسىنىڭ تەك ونىڭ جۇمىسىنىڭ ساپاسى مەن كولەمىنە بايلانىستى ەكەنىن ءتۇسىنۋى جانە قابىلداۋى قاجەت. قىزمەت ساپاسىن ارتتىرا وتىرىپ، ءبىز مەيىرىمدىلىك تۋرالى ۇمىتپاۋىمىز قاجەت. دارىگەر ماماندىعىنا كەزدەيسوق ادامدار كەلمەۋى كەرەك. ءاردايىم جاردەمدەسۋگە دايىن جانە جۇرەك جىلۋىن ۇسىنا الاتىن، وسى سالامەن ءومىرىن بايلانىستىراتىن ازاماتتار، ءسوزسىز، جوعارى وقۋ ورىندارىنا ءتۇسۋ كەزىندە باسىمدىققا يە بولۋى كەرەك»، - دەدى تالعات نۇرعوجين.

سپيكەردىڭ سوزىنشە، وسى جولى پرەزيدەنت قازاقستان حالقىنا جولداۋىندا العا قويىلعان مىندەتتەردى ورىنداۋ بارىسىندا جاۋاپكەرشىلىكتى مەملەكەتتىك قىزمەتكەرلەرگە عانا ەمەس، ازاماتتاردىڭ وزىنە دە جۇكتەۋگە نازار اۋداردى.

«بۇگىنگى كۇنى ءبارىمىز ەل ىشىندە جانە ەلدەن تىس اقپاراتتىق باسەكەلەستىكتىڭ شيەلەنىسۋىنە كۋا بولىپ وتىرمىز. وسىعان وراي، مەملەكەت باسشىسى ءاربىر ازاماتتى جاۋاپكەرشىلىكتى ۇمىتپاۋعا شاقىرادى. ەلىمىزدىڭ ءاربىر ازاماتى ءوز ءسوزى، جۇمىسى، دەنساۋلىعى، ەلى ءۇشىن جاۋاپكەرشىلىك العانى ابزال. ازاماتتاردىڭ الەۋمەتتىك بەلسەندىلىگى، ولاردىڭ ءوز دەنساۋلىعى مەن ءال- اۋقاتى ءۇشىن جاۋاپكەرشىلىگى مەملەكەتتىڭ كەپىلدەندىرىلگەن قولداۋىمەن بىرگە الەۋمەتتىك سالا قىزمەتتەرىنىڭ ساپاسىن بۇدان دا جوعارى دەڭگەيگە كوتەرۋگە مۇمكىندىك بەرەدى»، - دەپ تۇيىندەدى قاز ۇ م ۋ رەكتورى.

اۆتور: الما مۇقانوۆا


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات