شارۋالاردى جايىلىم جەرمەن قامتاماسىز ەتۋگە قاتىستى زاڭ جوباسى دايىندالادى - جولداۋ

نۇر-سۇلتان. قازاقپارات - ۇكىمەت شارۋاشىلىقتاردى جايىلىم جەرمەن قامتاماسىز ەتۋگە قاتىستى زاڭ جوباسىن دايىنداۋى كەرەك.

بۇل تۋرالى مەملەكەت باسشىسى قاسىم-جومارت توقايەۆ قازاقستان حالقىنا ارنالعان جولداۋىن جاريالاۋ كەزىندە ءمالىم ەتتى، دەپ حابارلايدى قازاقپارات.

«جەكە قوسالقى شارۋاشىلىقتاردىڭ مالىن جايىلىمدىق جەرمەن قامتاماسىز ەتۋ ماسەلەسىنە ايرىقشا نازار اۋدارۋ قاجەت. ولاردىڭ قۇقىقتىق مارتەبەسى جانە كورسەتەتىن قولداۋ تاسەلدەرى «جەكە قوسالقى شارۋاشىلىقتار تۋرالى» بولەك زاڭدا كورىنىس تابۋى كەرەك. ۇكىمەت بۇل زاڭ جوباسىن وتە قىسقا مەرزىمدە ازىرلەۋگە ءتيىس»، - دەدى مەملەكەت باسشىسى.

بۇدان بۇرىن حابارلانعانداي، پرەزيدەنت جەم-ءشوپ دايىنداۋعا قاجەتتى جەر كولەمىن كەڭەيتۋ كەرەك ەكەنىن ايتتى.

ق. توقايەۆ جايىلىم جەرلەرگە قاتىستى اكىمدەر ىقپالدى ادامداردىڭ ىعىنا جىعىلىپ وتىرعانىن سىنعا الدى.