جاڭا وقۋ جىلى قارساڭىندا جالعا بەرىلەتىن پاتەر باعاسى كۇرت قىمباتتادى

None
None
پەتروپاۆل. قازاقپارات - پەتروپاۆلدا جاڭا وقۋ جىلى قارساڭىندا جالعا بەرىلەتىن پاتەر باعاسى كۇرت قىمباتتاپ كەتتى، دەپ حابارلايدى قازاقپارات ءتىلشىسى.

سولتۇستىك قازاقستان ۋنيۆەرسيتەتى ستۋدەنتتەرىنىڭ بەلگىلى ءبىر بولىگىن عانا جاتاقحانامەن قامتىماق. ەپيدەميولوگيالىق جاعدايعا بايلانىستى جاتىن ورىن سانىن ەكى ەسە قىسقارتۋعا ءماجبۇر بولعان.

«ۋنيۆەرسيتەتتە 897 ادام گرانتقا وقيدى. 579 ادام «سەرپىن» باعدارلاماسى بويىنشا وقيدى. قازىر ءبىز ءبىرىنشى كۋرس ستۋدەنتتەرىن ورنالاستىرىپ بولۋعا جاقىنبىز. جەڭىلدىگى بار ەكىنشى كۋرس ستۋدەنتتەرىن جاتاقحاناعا ورنالاستىرا باستادىق. باس مەملەكەتتىك سانيتار دارىگەردىڭ قاۋلىسىنا سايكەس جاتاقحاناعا ورنالاستىرعاندا سانيتاريالىق نورمالار ساقتالۋى قاجەت. قازىر بىزگە اكىمدىك تە كومەكتەسىپ جاتىر. قوسىمشا تاعى 300 ورىن تابىلدى. وسىلايشا 1- كۋرس جانە جەڭىلدىگى بار ستۋدەنتتەر بويىنشا قاجەتتىلىكتى تولىق جابامىز دەپ ويلايمىن. 16-17 شارشى مەتر بولاتىن بولمەگە بۇرىن 3 ادام ورنالاساتىن. قازىر سانيتاريالىق تالاپتارعا بايلانىستى مۇنداي بولمەلەردە تەك 2 ادام عانا تۇرادى»، - دەيدى ۋنيۆەرسيتەتتىڭ اكادەميالىق سۇراقتار بويىنشا باسقارما مۇشەسى رەناتا اپەرگەنوۆا.

ماماننىڭ ايتۋىنشا، جوعارى وقۋ ورنىنىڭ 1512 جاتىن ورنى بار. ياعني، قازىرگى جاعدايدا ونىڭ جارتىسىنا - 756 سىنا عانا ورنالاستىرا الادى.

«ەڭ الدىمەن گرانتقا وقۋعا تۇسكەن 1- كۋرس ستۋدەنتتەرى بولمە الادى. ويتكەنى ولاردىڭ باسىم بولىگى كامەلەت جاسقا تولماعان جاس وسپىرىمدەر. ەكىنشى كەزەكتە كۆوتاسى جانە جەڭىلدىگى بارلار الادى. ءيا، ءبىزدىڭ ستۋدەنتتەرگە جاتاقحانادا ورىن جەتىسپەيدى. ويتكەنى ۋنيۆەرسيتەتتە گرانتتان باسقا اقىلى وقيتىن ستۋدەنتتەر دە بار»، - دەيدى رەناتا اپەرگەنوۆا.

ماسەلەنى شەشۋ ءۇشىن اتا-انالاردىڭ، ستۋدەنتتەردىڭ ورتاق چاتى قۇرىلعان. ولار ءبىر-بىرىنە كومەكتەسۋگە تىرىسىپ جاتىر، جالعا بەرىلەتىن بولمە، پاتەر جايىندا اقپارمەن بولىسەدى.

«قازىرگى ۋاقىتتا پەتروپاۆلدا جالعا بەرىلەتىن پاتەرلەردىڭ باعاسى قولدان كوتەرىلىپ وتىر. كەي ريەلتورلار جاعدايدى پايدالانىپ، جاستارعا پاتەردى كورسەتكەنى ءۇشىن جانە بەلگىلى ءبىر سوماعا كەلىسىمگە وتىرعانى ءۇشىن عانا اقى العان. ەگەر وتكەن اپتادا ءبىر جاتىن ورىندى تاۋلىگىنە 2,5 مىڭ تەڭگەگە تابۋعا مۇمكىن بولسا، ال پاتەر 4,5 مىڭ تەڭگەگە جالعا بەرىلسە، وسى اپتادا ءبىر بولمەلى پاتەردىڭ باعاسى 10 مىڭ تەڭگەگە دەيىن ءوسىپ كەتكەن. ارينە، مۇنداي سومانى ستۋدەنتتىڭ قالتاسى كوتەرمەيدى. وبلىس اۋداندارىنان كەلىپ وقيتىندار بار، ولار ادەتتە بارلىق ستۋدەنتتەردىڭ جارتىسى. مۇنداي ستۋدەنتتەردىڭ پەتروپاۆلدا تۋىستارى، تانىستارى بار، سولاردىڭ ۇيىندە تۇرىپ وقي الادى. نەگىزىنەن ۇشتەن ءبىرىنىڭ باراتىن جەرى جوق»، - دەيدى ۋنيۆەرسيتەت وكىلى.

سوڭعى جاڭالىقتار