+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

قانداسىمىز بايان-ولگەيدىڭ ءبىلىم باسقارماسىن باسقارادى - شەتەلدەگى قازاق ءتىلدى ب ا ق- قا شولۋ

29 تامىز 14:14
:ءبولىسۋ
قانداسىمىز بايان-ولگەيدىڭ ءبىلىم باسقارماسىن باسقارادى - شەتەلدەگى قازاق ءتىلدى ب ا ق- قا شولۋ

نۇر-سۇلتان. قازاقپارات - «قازاقپارات» ح ا ا ادەتتەگىدەي شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

تۇيە باققاننىڭ تۇرمىسى تەز وڭالادى - «تيانشاننەت»

قىتايلىق ب ا ق- تا وسىنداي تاقىرىپتاعى اقپارات جارىق كوردى. شىڭجاڭنىڭ حۋتىبي اۋدانى، ۆۋگونگتاي قالاسىنىڭ شياو-چۋان اۋىلىنا قاراستى قازاق تۇرعىندارى تۇيە باعىپ، ءسۇتىن ساتۋ كاسىبىن جالعاستىرىپ كەلەدى، دەپ حابارلايدى kazakh.ts.cn.

اتالعان ب ا ق- تىڭ كەلتىرگەن دەرەگىنە سۇيەنسەك، ونداعى تۇيە باعىپ، ءسۇتىن ساۋعان باقتاشىلاردىڭ تابىسى جاقسارىپ كەلەدى ەكەن. ولاردىڭ تەك ءسۇت ساتۋدان كەلەتىن جىلدىق كىرستىڭ ءوزى 300000 يۋانعا جەتەدى.

«سوڭعى جىلدارى شياو-چۋان اۋىلى تۇيە شارۋاشىلىعىن قارقىندى دامىتا وتىرىپ، فەرمەرلەر مەن مالشىلاردىڭ تابىسىن كوبەيتۋ جولدارىن كەڭەيتتى. قازىرگى ۋاقىتتا بۇل اۋىلدا 230 تۇيە بار، تەك تۇيە ءسۇتىن ساتۋدىڭ جىلدىق تابىسىنىڭ ءوزى 300000 يۋان (19500000 تەڭگە - اۆت.) تۇرادى»، دەپ جازادى قىتايلىق ب ا ق.

امانتاي عافۋ ۇلى ايماقتىق ءبىلىم باسقارماسىنىڭ باسشىسى بولىپ تاعايىندالدى - Kaznews

امانتاي عافۋ ۇلى بايان- ولگەي ايماعىنىڭ ءبىلىم باسقارماسىنىڭ باسشىسى بولىپ تاعايىندالدى، دەپ حابارلايدى Kaznews اقپاراتتىق پورتالى.

موڭعوليالىق قانداسىمىز امانتاي عافۋ ۇلى ايماق اكىمىنىڭ 2021-جىلى 23 - تامىز كۇنگى ب/32 ۇكىمى بويىنشا ايماقتىق ءبىلىم باسقارماسىنىڭ باسشىسى قىزمەتىنە تاعايىندالعان.

ايتا كەتەيىك، امانتاي عافۋ ۇلى 1972-جىلى بايان-ولگەي ايماعىندا دۇنيەگە كەلگەن. ماماندىعى ماتەماتيك، ينفورماتيكا ءپانىنىڭ مۇعالىمى.

2012-جىلدان باستاپ ولگەي قالاسىنىڭ جالپى ءبىلىم بەرەتىن 5№ مەكتەبىنىڭ ديرەكتورى قىزمەتىن اتقارعان.

قازاقستان مەن كاتاردىڭ اراسىندا ۆيزا جويىلىپ، تىكەلەي رەيس اشىلادى - Parstoday

بۇل تۋرالى وسى اپتادا يراننىڭ Parstoday اقپارات اگەنتتىگى دە حابارلاعان بولاتىن. وسى اپتادا يراندىق ب ا ق- تا ەلىمىزگە قاتىستى بۇل عانا ەمەس، بۇدان وزگە 4-5 اقپارات جاريالادى.

ءبىز سونىڭ ىشىندەگى Parstoday-دە حابارلاعان قازاقستان مەن كاتاردىڭ اراسىنداعى جاعىمدى جاڭالىقتى وقىرماندارىمىزعا تاعى دا بولىسە كەتكەندى ءجون سانادىق.

قازاقستاننىڭ تۋريستىك باسشىلارى كاتارمەن كەلىسسوز جۇرگىزىپ، دوحا-الماتى-دوحا باعىتىندا تىكەلەي رەيس اشۋعا نيەتتەنىپ وتىرعانىن حابارلادى.

Parstoday اقپارات اگەنتتىگىنىڭ حابارلاۋىنشا، قازاقستان پرەمەر-ءمينيسترىنىڭ ورىنباسارى ءاليحان سمايلوۆ باستاعان قازاق دەلەگاتسياسى كاتار باسشىلارى جانە ساۋدا وكىلدەرىمەن كەزدەسىپ، 2021-جىلى قازان ايىندا Qatar Airways كومپانياسىنىڭ دوحا-الماتى-دوحا باعىتىندا اپتاسىنا ەكى رەت تىكەلەي رەيس جاساۋىنا كەلىستى. سمايلوۆتىڭ ايتۋىنشا، ەكى ەل ازاماتتارى ءۇشىن 30 كۇن ۆيزاسىز ءجۇرۋ زاڭى ەنگىزىلەدى.

قازاقستاندا جالپىۇلتتىق ازا تۇتۋ كۇنى بولىپ جاريالاندى - TRT

ق ر پرەزيدەنتى قاسىم-جومارت توقايەۆ 29- تامىزدى جالپىۇلتتىق ازا تۇتۋ كۇنى دەپ جاريالاعانى بەلگىلى. بۇل تۋرالى وسى اپتادا تۇركيا راديو تەلەۆيزيا پورتالى دا حابارلادى.

جامبىل وبلىسىنىڭ بايزاق اۋدانىندا ورنالاسقان اسكەري ءبولىم قويمالارىندا بولعان جارىلىستا 13 ادامنىڭ قازا تابۋىنا بايلانىستى ق ر پرەزيدەنتى قاسىم-جومارت توقايەۆ 29- تامىزدى جالپىۇلتتىق ازا تۇتۋ كۇنى دەپ جاريالاعان.

ايتا كەتەيىك، ق ر پرەزيدەنت قاسىم-جومارت توقايەۆتىڭ Twitter- دەگى پاراقشاسىندا جاريالاعان جالپىۇلتتىق ازا تۇتۋ كۇنى تۋرالى جازباسىن تۇركيالىق ب ا ق- تا ءوز وقىرماندارىنا ءبولىستى.

كيبەرسپورتتان شەتەلدەگى وتانداستار اراسىندا حالىقارالىق ونلاين-تۋرنير وتەدى - «ءو ز ا»

قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي «وتانداستار قورى» مەن «Qazaq Cybersport Federation» (@qcf.kz) شەتەلدەگى وتانداستاردىڭ اراسىندا كيبەرسپورت بويىنشا جارىس وتكىزەدى، دەپ حابارلادى «ءو ز ا» مەملەكەتتىك اقپارات اگەنتتىگى.

وزبەكستاندىق ب ا ق- تىڭ كەلتىرگەن دەرەگىنە سۇيەنسەك، ونلاين تۋرنير 2021-جىلدىڭ قىركۇيەك-قازان ايىنا جوسپارلانعان. شارا قازاقستاننان شەت مەملەكەتتەردە تۇراتىن، كيبەرسپورت بويىنشا ءوز شەبەرلىگىن كورسەتكىسى كەلەتىن قانداستارعا ارنالعان، سونداي-اق قاتىسۋعا نيەت بىلدىرگەن ءار ادام ساۋالنامادان ءوتۋى كەرەك.

«ال ساۋالناما 2021-جىلدىڭ 31- تامىزىنا دەيىن جالعاسادى. ودان كەيىن وتانداستار قورىنىڭ سايتىندا كيبەر جارىسقا تىركەلۋ ءۇشىن ارنايى سىلتەمە جاريالانادى. قوسىمشا مالىمەتتەر الداعى ۋاقىتتا حابارلانادى»، دەپ جازدى «ءو ز ا».

اۆتور: بەيسەن سۇلتان


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات