USD 434.24 EUR 492.69
RUB 5.67 CNY 68.46
جاڭالىقتار

قىزىلوردادا كوروناۆيرۋس ينفەكسياسى بالالار اراسىندا ءورشىپ بارادى

28 تامىز 11:55
:ءبولىسۋ
قىزىلوردادا كوروناۆيرۋس ينفەكسياسى بالالار اراسىندا ءورشىپ بارادى

قىزىلوردا. قازاقپارات - قىزىلوردا وبلىسىندا بالالار اراسىندا كوروناۆيرۋس ينفەكسياسى ءورشىپ بارادى، دەپ حابارلايدى قازاقپارات ءتىلشىسى.

قازىر وبلىستىق بالالار اۋرۋحاناسىندا 46 بالا ەم الۋدا. ولاردىڭ اراسىندا ءبىر جاسقا تولماعان 13 ءسابي بار. ال 3 جاس ءوسپىرىم جانساقتاۋ بولىمىندە جاتىر.

«كوروناۆيرۋسقا شالدىققان بالالار سانى كۇن ساناپ كوبەيىپ كەلەدى. وبلىستىق بالالار اۋرۋحاناسىنا ءساۋىر ايىنان باستاپ 158 بالا كەلىپ ءتۇستى. بۇگىنگى كۇنى تولىق جازىلىپ شىققان بالالار سانى - 82. وسى ورايدا اتا-انالارعا ايتارىم، بالالارىڭىزدى بارىنشا سانيتارلىق تالاپتاردى ساقتاۋعا شاقىرىڭىزدار. ىندەت جاس تالعامايدى. سوندىقتان بالالارمەن كوپشىلىك جەرگە بارۋدى ازايتىپ، يممۋندىق جۇيەنى جاقسارتاتىن پايدالى تاعامداردى كوپ تۇتىنعان ابزال»، - دەدى كوپ بەيىندى وبلىستىق بالالار اۋرۋحاناسىنىڭ ونكوگەماتولوگ دارىگەرى جاننا جانداربەكوۆا.

ەسكە سالساق، قىزىلوردادا كارانتين تالاپتارىنا بايلانىستى جاڭا قاۋلى بەكىتىلدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات