قازاقستاندا قانشا شەتەلدىك ەڭبەك ەتىپ ءجۇر

None
None
نۇر-سۇلتان. قازاقپارات – 1-تامىزداعى جاعداي بويىنشا 15786 شەتەلدىك ازامات جەرگىلىكتى اتقارۋشى ورگانداردىڭ رۇقساتى بويىنشا قازاقستان رەسپۋبليكاسىنىڭ اۋماعىندا ەڭبەك ەتىپ ءجۇر، دەپ حابارلايدى قازاقپارات ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.

«شەتەلدىك جۇمىس كۇشىن تارتۋعا بەرىلگەن رۇقساتتىڭ ىشىندە مىناداي ساناتتار بار: ءبىرىنشى سانات - 661 (باسشىلار جانە ولاردىڭ ورىنباسارى)، ەكىنشى سانات - 3283 (قۇرىلىمدىق بولىمشە باسشىلارى).

تارتىلعان ش ج ك-نىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى - تيىسىنشە 7619 ادام جانە 384 ادام. سونداي-اق ماۋسىمدىق جۇمىستارعا - 1952 ادام، ال كورپوراتيۆتىك اۋىستىرۋ شەڭبەرىندە - 1887 ادام تارتىلعان»، دەلىنگەن حابارلامادا.

مينيسترلىكتىڭ مالىمەتىنشە، قازىرگى ۋاقىتتا ەلىمىزدە شەتەلدىك جۇمىس كۇشىن پايدالاناتىن 1801 جۇمىس بەرۋشى بار. ولاردا شامامەن 485 مىڭ قازاقستاندىق جۇمىس ىستەيدى، بۇل جالپى جۇمىسشىلار سانىنىڭ %96 ى.

ەڭبەك ميگرانتتار شىعاتىن نەگىزگى ەلدەر كەلەسى: قىتاي - 3785 ادام، وزبەكستان - 1982 ادام، تۇركيا - 1443 ادام، ءۇندىستان - 1031 ادام، ۇلى بريتانيا - 948 ادام.

ەستەرىڭىزگە سالا كەتەيىك، ىشكى ەڭبەك نارىعىن قورعاۋ ماقساتىندا ق ر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن ەلىمىزگە شەتەلدىك مامانداردى تارتۋعا ارنالعان كۆوتا بەلگىلەيدى. 2021 -جىلى كۆوتا مولشەرى جۇمىس كۇشىنە شاققاندا %0,31 دى نەمەسە 29,3 مىڭ بىرلىكتى قۇرادى.

سوڭعى جاڭالىقتار