+7 (701) 759 90 19
USD 425.95 EUR 495.12
RUB 6 CNY 66.6
جاڭالىقتار

ماجارستاندا جۇمىس ىستەيتىن قازاق: ەلورداعا قايتا كەلگەندە ءوز كوزىمە ءوزىم سەنبەدىم

25 تامىز 10:03
:ءبولىسۋ
ماجارستاندا جۇمىس ىستەيتىن قازاق: ەلورداعا قايتا كەلگەندە ءوز كوزىمە ءوزىم سەنبەدىم

وسكەمەن. قازاقپارات - ماجارستاندا ءمۇعالىم بولىپ جۇمىس ىستەيتىن راۋشان مۇقىشيەۆا نۇر- سۇلتان قالاسىنىڭ بىرنەشە جىلدىڭ ىشىندە ادام تانىماستاي وزگەرگەنىن ايتتى، دەپ حابارلايدى قازاقپارات ءتىلشىسى.

«تاۋەلسىز قازاقستان: جاسامپازدىققا تولى جىلدار. شىعىس قازاقستان وبلىسىنىڭ باستى جەتىستىكتەرى» اتتى دوڭگەلەك ۇستەلگە ماجارستاندا ەڭبەك ەتىپ جۇرگەن ش ق و تۋماسى راۋشان مۇقىشيەۆا ونلاين فورماتتا قاتىستى. ءوز سوزىندە ول شەتەلدە جۇرسە دە ۇنەمى وتانىنداعى جاڭالىقتارعا ءۇڭىلىپ، وزگەرىستەردى قالت جىبەرمەيتىندىگىن ايتتى.

«ەلۋ جىلدا ەل جاڭا» دەيدى قازاق. بيىل ەلىمىزدىڭ ەگەمەندىك العانىنا 30 جىل تولىپ وتىر. العاشقى جىلدارى كوپ قيىندىقتى باستان كەشىردىك. ءبىراق تاتۋلىق پەن بولاشاققا دەگەن انىق باعداردىڭ ارقاسىندا ونىڭ بارلىعى ەڭسەرىلدى. بۇگىندە قازاقستان الەمنىڭ كوشباسشى ەلدەرىمەن تىعىز بايلانىس ورناتقان، حالىقارالىق ارەنادا وزىندىك ورنى بار مەملەكەتكە اينالدى. تاۋەلسىزدىگىمىزدى ەڭ العاش مويىنداعانداردىڭ قاتارىندا ماجار حالقى بولدى. ءوزىم توقسانىنشى جىلداردىڭ سوڭىنا قاراي ماجار ەلىنە كوشىپ، قازاق ءتىلى جانە ادەبيەتى پانىنەن ساباق بەرە باستادىم. دوس كوڭىلدى ەلدەگى ءبىلىم ورداسىنىڭ باسشىسى مەنى جۇمىسقا ءوزى شاقىردى»، - دەيدى راۋشان مۇقىشيەۆا.

پەداگوگ ەلورداعا بىرنەشە جىلدان كەيىن قايتا كەلگەندە ءوز كوزىنە ءوزى سەنبەگەندىگىن جەتكىزدى.

«قىسقا ۋاقىت ىشىندە استانامىز ادام تانىماستاي وزگەردى. ءزاۋلىم عيماراتتار، ساۋلەتتى ينفراسترۋكتۋرا تامساندىرماي قويمايدى. وتانىمدا وسىنداي يگى وزگەرىستەردىڭ بولىپ جاتقانى مەنى اركەز قۋانتادى. بارشا جەرلەستەرىمدى تاۋەلسىزدىكتىڭ 30 جىلدىعىمەن شىن جۇرەكتەن قۇتتىقتايمىن! ءار جانۇيادا قۋانىش پەن شاتتىق ۇيالاسىن»، - دەدى ول.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات