قازاقستان ۇشاقتارىنا اۋعانستان اۋە كەڭىستىگىمەن ۇشۋعا تىيىم سالىندى
«ق ر ۇكىمەتىنىڭ 2017 -جىلعى 23-قازانداعى №373 د س پ قاۋلىسىمەن بەكىتىلگەن اۆياتسيالىق قاۋىپسىزدىك باعدارلاماسىنىڭ تالاپتارىنا سايكەس، «قازاقستاننىڭ اۆياتسيالىق اكىمشىلىگى» اق وتاندىق اۋە كومپانيالارى ازاماتتىق اۋە كەمەلەرىنىڭ اۋعانستاننىڭ اۋە كەڭىستىگىن پايدالانۋىنا قاتىستى قاتەرلەر مەن تاۋەكەلدەرگە باعالاۋ جۇرگىزدى. قورىتىندىسىندا اۋعانستان اۋماعىندا جانە ونىڭ اۋە كەڭىستىگىندە ۇشۋلاردى جۇزەگە اسىرۋ بارىسىندا جولاۋشىلار جانە اۋە كەمەلەرىنىڭ قاۋىپسىزدىگىنە ىقپال ەتەتىن تاۋەكەلدەر مەن قاتەرلەردىڭ بار ەكەندىگى تۋرالى شەشىم قابىلداندى»، - دەپ اتاپ وتەدى ۆەدومستۆودان.
جۇرگىزىلگەن باعالاۋ ناتيجەسى نەگىزىندە «قازاقستاننىڭ اۆياتسيالىق اكىمشىلىگى» ا ق وسى جىلدىڭ 16-تامىزى كۇنى تۇراقتى، جۇك جانە چارتەرلىك اۋە تاسىمالىن جۇزەگە اسىراتىن ەلىمىزدىڭ بارلىق اۋە كومپانياسىنا اۋعانستاننىڭ اۋماعىندا جانە ونىڭ اۋە كەڭىستىگىندە ازاماتتىق اۋە كەمەلەرىنىڭ بارلىق ۇشۋلارىنا تىيىم سالىنعانى تۋرالى نۇسقاۋلىق جىبەرگەن.
بۇل جايت اتالعان ەلدەگى احۋال تۇراقتانعانعا دەيىن قابىلدانىپ وتىر. ءدال وسىنداي نۇسقاۋلىق «قازاەروناۆياگتسيا» رەسپۋبليكالىق مەملەكەتتىك كاسىپورنىنا دا جىبەرىلگەن.