اۋعانستاندا قالعان قازاقستاندىقتار قايدا حابارلاسۋى كەرەك
بۇل سۇراققا ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ جاۋاپ بەردى، دەپ حابارلايدى قازاقپارات ءتىلشىسى.
«ەگەر اۋعانستان اۋماعىندا قالىپ قويعان قازاقستان ازاماتتارى بولىپ ەلگە قايتقىسى كەلسە، ولار كابۋلداعى ءبىزدىڭ ەلشىلىككە حابارلاسسىن. سول جەردە قاتىستى ءتيىستى شارالار قابىلدانادى. ەلگە ورالعىسى كەلگەن وتانداستارىمىزعا كومەك كورسەتۋگە ءازىرمىز. سول ءۇشىن دە اۋعانستانداعى قازاقستان ەلشىلىگى تاراپىنان ارنايى كوميسسيا قۇرىلدى»، - دەدى ا. سمادياروۆ تىلشىلەردىڭ سۇراقتارنا جاۋاپ بەرە تۇرىپ.
بۇعان دەيىن س ءى م-نىڭ رەسمي وكىلى اۋعانستاندا وزدەرىن قازاقپىز دەيتىن باسقا ۇلت وكىلدەرىنىڭ كوبەيگەنىن ايتتى.
«سوڭعى كۇندەرى قازاقستاننىڭ اۋعانستانداعى ەلشىلىگىنە وزدەرىن قازاقپىز دەپ تانىستىراتىن ازاماتتاردىڭ جۇگىنۋى جيىلەپ كەتتى. ءبىراقتا ءىس جۇزىندە ولاردىڭ ەشقانداي دالەلدەرى جوق. ولاردىڭ كەيبىرەۋلەرى قازاق تىلىندە سويلەي المايدى. سونداي-اق اتا-بابالارىنىڭ اۋعانستان اۋماعىنا قونىس اۋدارۋ تاريحىمەن، رۋ-تايپالىق بايلانىستارى تۋرالى دا ايتا المايدى. ءبىز ەتنيكالىق قازاقتاردىڭ تاريحي وتانىنا ورالۋىنا كومەك كورسەتۋ تۋرالى بارلىق وتىنىشتەرگە مۇقيات تەكسەرۋ جۇمىستارىن جۇرگىزەمىز. ول ءبىر كۇندىك جۇمىس ەمەس سوندىقتان ۋاقىت تالاپ ەتەدى»، - دەيدى ول.
ايتا كەتسەك، قازىرگى ۋاقىتتا اۋعانستان اۋماعىندا 15 كە جۋىق ەتنيكالىق قازاق وتباسى تۇرىپ جاتىر. ودان بولەك، مينيسترلىكتىڭ مالىمەتىنشە، 10 قازاقستاندىق ديپلومات اۋعانستاندا ءوز قىزمەتىن جالعاستىرۋدا.