USD 431.41 EUR 452.94
RUB 6.92 CNY 63.83
جاڭالىقتار

ەلوردادا جۇمىس ىستەيتىن جاستارعا جالعا بەرىلەتىن باسپانا بيىل دا جالعاسادى

17 تامىز 19:02
:ءبولىسۋ
ەلوردادا جۇمىس ىستەيتىن جاستارعا جالعا بەرىلەتىن باسپانا بيىل دا جالعاسادى

نۇر- سۇلتان. قازاقپارات - ەلوردادا جاستارعا ساتىپ الۋ قۇقىعىنسىز جالعا پاتەرلەر بەرۋ جوباسى بيىل دا جالعاسادى، دەپ حابارلايدى قازاقپارات قالا اكىمدىگىنە سىلتەمە جاساپ.

ەلوردا جىل ساناپ ءوسىپ كەلە جاتقانىن ەسكەرەر بولساق، باسپانا ماسەلەسى قاشان دا وزەكتى. ەل باسشىلىعى وسى ماسەلەنى شەشۋ ءۇشىن 2019 -جىلدان بەرى جۇمىس ىستەيتىن جاستارعا ساتىپ الۋ قۇقىعىنسىز جالعا پاتەرلەر بەرۋ جوباسىن قولعا الدى. بۇگىنگە دەيىن اتالمىش باعدارلاما ارقىلى 1400 وتباسى باسپانالى بولدى.

جاستار جىلىنىڭ سالتاناتتى اشىلۋ شاراسىندا قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆ جۇمىس ىستەيتىن جاستارعا ساتىپ الۋ قۇقىعىنسىز جالعا پاتەرلەر بەرۋ تۋرالى تاپسىرما بەرگەن. ەلباسىنىڭ تاپسىرماسىن 2019 -جىلى استانا اكىمدىگى تولىقتاي ورىنداپ، جۇمىسشى جاستارعا 1050 پاتەردىڭ («استانالىق» جانە «الەم» ساۋدا ورتالىقتارىنىڭ اراسىنداعى تۇرعىن ءۇي كەشەنى) كىلتىن تابىستادى. كەلەسى 2020 -جىلعا دا ءدال وسىنداي مەجە قويىلعان ەدى، الايدا پاندەمياعا بايلانىستى جوسپارعا ەرىكسىز وزگەرىس ەندى. كوروناۆيرۋس ەپيدەمياسىنا بايلانىستى بىلتىر 350 پاتەر تاپسىرىلدى.

جۇمىسشى جاستارعا پاتەرلەر نۇر- سۇلتان قالاسىنداعى ر. قوشقاربايەۆ داڭعىلى، قورداي جانە № 23-31 كوشەلەرى قيىلىسىنداعى، سول سياقتى ابىلاي حان داڭعىلى مەن ب. مومىش ۇلى جانە ر. قوشقاربايەۆ داڭعىلدارىنىڭ قيىلىسىنداعى تۇرعىن ۇيلەردەن بەرىلدى. بۇل جىلعى جاستارعا بەرىلگەن باسپانا كولەمى 32-48 شارشى مەتر ارالىعىندا.

ەلباسىنىڭ باستاۋىمەن جۇزەگە اسقان جوبانىڭ ماقساتى - الداعى 5 جىل ىشىندە جاستاردىڭ قاراجات جيناپ، جەكە ءۇيىن ساتىپ الۋعا جاعداي جاساۋ. جوباعا قاتىسۋشىلارعا قويىلار نەگىزگى بەس قاعيدات بار: 29 جاستان اسپاعان، جۇمىس ىستەيتىن، مەنشىگىندە تۇرعىن ءۇيى جوق، جيناق جاساۋ ءۇشىن دەپوزيتتىك شوتىنىڭ بولۋى، سونداي- اق سوڭعى 6 ايدا كەمىندە 40 ا ە ك تابىسىنىڭ بولۋى.

جوباعا قاتىسۋشىلار قاتارى دا از ەمەس. بىلتىر 1-6 جەلتوقسان ارالىعىندا وتىنىمدەر قابىلداۋ ۇيىمداستىرىلىپ، جالپى 5463 ءوتىنىش قابىلداندى. ءوتىنىم بەرگەن قاتىسۋشىلار اراسىندا ىرىكتەۋ بالدىق جۇيە بويىنشا، ال پاتەرلەردى ءبولۋ ءوتىنىش بەرۋشىنىڭ وتباسى قۇرامىنا سايكەس جۇرگىزىلدى.

بيىل جۇمىس ىستەيتىن جاستارعا ساتىپ الۋ قۇقىعىنسىز جالعا بەرىلەتىن 1050 باسپانا بەرۋ جۇمىسى جىل سوڭىنا جوسپارلانىپ وتىر.

ايتا كەتەيىك، ەلوردادا باسپانا ماسەلەسىن شەشۋ ءۇشىن اۋقىمدى شارالار جۇرگىزىلىپ جاتىر. وتكەن جىلى ەلوردادا جالپى كولەمى 3 ميلليون شارشى مەتر بولاتىن تۇرعىن ءۇي سالىنىپ، ەل يگىلىگىنە بەردى. سول سياقتى الەۋمەتتىك پاتەر بەرۋ كورسەتكىشى دە ەسەلەپ ۇلعايدى. ماسەلەن 2019 -جىلى 2900 الەۋمەتتىك پاتەر پايدالانۋعا بەرىلسە، بيىل بۇل كورسەتكىش 10 مىڭعا دەيىن ارتتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات