قازاقستان يلون ماسكتىڭ كومپانياسىنا ۇسىنىس جاسادى

نۇر-سۇلتان. قازاقپارات - قازاقستاندى جوعارى جىلدامدىقتى ينتەرنەتپەن قامتاماسىز ەتۋ باعىتىندا بارلىق مۇمكىندىكتەر قاراستىرىلۋدا.

بۇل تۋرالى بۇگىن ءوزىنىڭ Facebook پاراقشاسىندا ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين جازدى، دەپ حابارلايدى قازاقپارات.

«ەستەرىڭىزدە بولسا، مەن ناۋرىز ايىنىڭ باسىندا سپۋتنيكتىك ينتەرنەت بويىنشا كەلىسسوزدەر جۇرگىزىپ جاتىرمىز دەگەن بولاتىنمىن. ناتيجەسىندە OneWeb جاڭا بۋىندى سپۋتنيك ارقىلى ينتەرنەتتى تەستىلەۋ ءۇشىن جەرۇستى ستانسياسىنىڭ جابدىقتارىن مونتاجداي باستادى (بۇل ستارلينكتىڭ بالاماسى، گەوستاتسيونارلىق ەمەس سپۋتنيكتەر).

يلون ماسك كومپانياسىنا دا تەستىلەۋگە قاتىسۋعا ۇسىنىس جاسادىق. ءبىز بارىنشا قازاقستان حالقىن جوعارى جىلدامدىقتى ينتەرنەتپەن قامتاماسىز ەتۋ جولدارىن قاراستىرىپ جاتىرمىز. تەستىلەۋدىڭ بارىسى جايلى قوسىمشا حابارلاپ وتىرامىن»، - دەپ جازدى مينيستر.