باس پروكۋراتۋرا: قىزمەتكەرلەردىڭ ۆاكسيناتسيا كورسەتكىشىن تەكسەرۋ - كاسىپكەرلىك كودەكسكە قايشى

None
None
نۇر-سۇلتان. قازاقپارات - سانيتارلىق- ەپيدەميولوگيالىق قىزمەت ازاماتتاردى مىندەتتى ۆاكسينالاۋعا تارتا الادى.

ءبىراق ول تالاپتىڭ ورىندامالعانى ءۇشىن جۇمىس بەرۋشىلەرگە ايىپپۇل سالا المايدى. باس پروكۋراتۋرانىڭ «اتامەكەن» ۇلتتىق كاسىپكەرلەر پالاتاسىنىڭ ساۋالىنا بەرگەن جاۋابىن قىسقاشا وسىلاي سيپاتتاۋعا بولادى، دەپ حابارلايدى قازاقپارات ءتىلشىسى.

اپتا باسىندا «اتامەكەن» ۇلتتىق كاسىپكەرلەر پالاتاسى باس پروكۋراتۋراعا مىندەتتى ۆاكسيناتسيا تالاپتارىن ورىنداۋ بويىنشا كاسىپورىندارعا تەكسەرۋ جۇرگىزۋدىڭ زاڭدىلعى تۋرالى ساۋال جولداعان بولاتىن. باس پروكۋراتۋرانىڭ ينتەرنەتكە تاراعان جاۋابىندا بۇل ماسەلەگە بايلانىستى بىرنەشە ماڭىزدى پايىمدار ايتىلعان.

سانيتار دارىگەردىڭ قاۋلىسى - زاڭ ەمەس «كونستيتۋتسيانىڭ 39-بابى بويىنشا ادامنىڭ جانە ازاماتتىڭ قۇقىقتارى مەن بوستاندىقتارى كونستيتۋتسيالىق قۇرىلىستى قورعاۋ، قوعامدىق ءتارتىپتى، ادامنىڭ قۇقىقتارى مەن بوستاندىقتارىن، حالىقتىڭ دەنساۋلىعى مەن يماندىلىعىن ساقتاۋ ءۇشىن قاجەتتى شامادا عانا جانە تەك زاڭمەن شەكتەلۋى مۇمكىن» - دەپ جازىلعا باس پروكۋراتۋرانىڭ جاۋابىندا.

مىندەتتى ۆاكسيناتسيا زاڭدا قاراستىرىلعان «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكستىڭ 77-بابى 1-تارماعىنىڭ 18) تارماقشاسى بويىنشا ازاماتتار ەمدەلۋگە جانە باسقا دا مەديتسينالىق شارالارعا، ونىڭ ىشىندە پروفيلاكتيكالىق ەكپە جۇرگىزۋگە اقپاراتتاندىرا وتىرىپ كەلىسىم بەرۋگە نەمەسە باس تارتۋعا قۇقىلى»، - دەلىنگەن باس پروكۋراتۋرا تۇسىندىرمەسىندە. دەگەنمەن اتالمىش كودەكستەگى 85-باپتىڭ 2-تارماعى بويىنشا پروفيلاكتيكالىق ەكپەلەر مىندەتتى جانە ەرىكتى بولىپ بولىنەدى.

مىندەتتى پروفيلاكتيكالىق ەكپەلەرگە جوسپارلى پروفيلاكتيكالىق جانە ەپيدەميولوگيالىق كورسەتكىشتەر بويىنشا سالىناتىن ەكپەلەر جاتادى. كوروناۆيرۋسقا قارسى ۆاكسينا وسى ەكىنشى ەپيدەميولوگيالىق كورسەتكىشتەر بويىنشا سالىنىپ وتىر.

«ەل اۋماعىندا تۇراقتى تۇراتىن جەكە تۇلعالار ينفەكسيالىق جانە پارازيتتىك اۋرۋلارعا قارسى مىندەتتى پروفيلاكتيكالىق ەكپەلەردى الۋعا مىندەتتى. مىندەتتى پروفيلاكتيكالىق ەكپە جۇرگىزىلەتىن اۋرۋلاردىڭ تىزبەسىن، ولاردى جۇرگىزۋ ءتارتىبىن، مەرزىمدەرىن جانە ەكپە الۋعا مىندەتتى توپتاردى ۇكىمەت ايقىندايدى. كوروناۆيرۋس ينفەكسياسى سول تىزىمگە ەنگىزىلگەن. وسىلايشا، ەپيدەميولوگيالىق كورسەتكىشتەر بويىنشا مەديتسينالىق قارسى كورسەتىلىمدەرى جوق جەكە تۇلعالار پروفيلاكتيكالىق ەكپە الۋى كەرەك»، - دەپ تۇسىندىرەدى باس پروكۋراتۋرا.

ياعني، كودەكس ەكپەگە ەرىكتى تۇردە كەلىسىم بەرۋگە جانە ەپيدكورسەتكىشتەر بويىنشا مىندەتتى ۆاكسينالاۋعا جول بەرەدى. كومپانيا قىزمەتكەرلەرىنىڭ ەكپە الۋ كورسەتكىشىن تەكسەرۋ كاسىپكەرلىك كودەكسكە قايشى باس پروكۋراتۋرا اكىمشىلىك قۇقىق بۇزۋ تۋرالى كودەكستىڭ 462-بابىنىڭ 3-بولىگى بويىنشا، كومپانيالار وزىنە زاڭدى نەگىزدە بەرىلگەن سانيتارلىق- ەپيدەميولوگيالىق باقىلاۋ قىزمەتكەرلەرىنىڭ اكتىلەرىن ورىنداماعانى ءۇشىن جاۋاپقا تارتىلۋى مۇمكىن ەكەنىن راستايدى.

ءبىراق سانيتارلىق ەپيدەميولوگيالىق قىزمەت جۇمىس بەرۋشىلەرگە ناقتى تەكسەرۋ قورىتىندىسى بويىنشا عانا ايىپپۇل سالا الادى.

ال كاسىپكەرلىك كودەكستىڭ 143-بابىنىڭ 3-تارماعى بويىنشا كومپانيالاردى ارنايى بارىپ باقىلاۋ جانە قاداعالاۋ تەكسەرۋ پاراعىندا بەكىتىلگەن تالاپتار بويىنشا عانا جۇرگىزىلۋى كەرەك. حالىقتىڭ سانيتارلىق- ەپيدەميولوگيالىق ءال-اۋقاتى سالاسىنداعى تەكسەرۋ پاراقتارىندا «ەكپە بولۋى كەرەك» دەگەن تالاپ جوق.

«وسىعان بايلانىستى اتالعان ماسەلە بويىنشا تەكسەرۋلەر تاعايىندالمايدى، قۇقىقتىق ستاتيستيكا جانە ارنايى ەسەپكە الۋ ورگاندارىندا تىركەلمەيدى، ال جۇمىس بەرۋشىلەر اكىمشىلىك قۇقىق بۇزۋ تۋرالى كودەكستىڭ 462-بابىنىڭ 3-بولىگى بويىنشا جاۋاپكەرشىلىككە تارتىلمايدى. سونداي-اق، ا ق ب ت ك-نىڭ 425-بابى (حالىقتىڭ سانيتارلىق- ەپيدەميولوگيالىق ءال-اۋقاتى سالاسىنداعى زاڭناما تالاپتارىن بۇزۋ) بويىنشا اكىمشىلىك جازا قولدانۋعا نەگىز جوق. ويتكەنى باس مەملەكەتتىك سانيتارلىق دارىگەردىڭ قاۋلىسى نورماتيۆتىك قۇقىقتىق اكت بولىپ تابىلمايدى جانە زاڭنامالىق قۇجاتقا جاتپايدى»، - دەپ جازىلعان قۇزىرلى ورگاننىڭ تۇسىندىرمەسىندە.

سوڭعى جاڭالىقتار